मुंंबई- एनसीबीने आणि तिचा भाऊ शौविकसह सुशांतचा घर व्यवस्थापक मिरांडा यांना ड्रग्ज प्रकरणात ताब्यात घेतलं आहे. त्यांचे वकील न्यायालयात जामिनासाठी सतत प्रयत्न करत आहेत. मीडिया रिपोर्टनुसार, रिया आणि तिचा भाऊ शौविक ड्रग्जसाठी सुशांतला पैसे द्यायचे असा आरोप एनसीबीने रियाच्या विरोधात न्यायालयात केला होता. रियाने ड्रग्जसाथी सुशांतला कधीही पैसे दिले नाहीत सुशांत प्रकरणात ड्रग्ज अँगल उघडकीस आल्यानंतर रिया चक्रवर्ती आणि तिचा भाऊ शौविक यांना ९ सप्टेंबर रोजी अटक केली होती. त्यांच्या जामीनावरचा आदेश न्यायमूर्ती सारंग कोतवाल यांनी राखून ठेवला आहे. इंग्रजी वृत्तपत्राच्या अहवालानुसार जामिनासाठी युक्तीवाद करताना रियाचे वकील सतीश मानेशिंदे म्हणाले की, सुशांतचा घर व्यवस्थापक सॅम्युअल मिरांडा सर्व खर्चांचा हिशोब ठेवायचा. त्यामुळे रिया सुशांतला ड्रग्जसाठी पैसे द्यायची हा प्रश्नच उद्भवत नाही. १७ मार्च रोजी रियाच्या क्रेडिट कार्डला पैसे मिळाले रियावर ड्रग्ज सिंडिकेटचा भाग असल्याचा आरोप आहे, ज्यावरून मानेशिंदे म्हणाले की हा आरोप फक्त १७ मार्च रोजी सॅम्युअल मिरांडाला तिचं क्रेडिट कार्ड दिल्यानेच करण्यात आला. त्याने १० हजार रुपये काढून बंदी घातलेली औषधं विकत घेतली. ते म्हणाले की रियाच्या कार्डवरून कोणत्याही पेडलरला ड्रग्जसाठी पैसे दिले गेले नाहीत, त्यामुळे ड्रग सिंडिकेटचा भाग असण्याचा आरोप लावणं चुकीचं आहे. सुशांतकडे पैशांची कमतरता नव्हती. त्यामुळे तो रियाकडून का पैसे मागेल याचा विचारही करण्यात यावा. वकील म्हणाले, सुशांत आधीपासूनच ड्रग्ज घेत होता सुशांत एप्रिल २०१९ मध्ये रिया चक्रवर्तीला भेटला. पण तिला भेटण्याआधीपासूनच सुशांत ड्रग्ज घेत होता. रिपोर्ट्सनुसार, त्याचे दोन सहकलाकार सारा अली खान आणि श्रद्धा कपूर यांनी एनसीबीला यापूर्वीही ही माहिती दिली आहे.
from Marathi Bollywood News, Marathi Cinema News https://ift.tt/3n6Gcuq
