मुंबई: बॉलिवूड अभिनेता याच्या मृत्यूनंतर एक नाव सतत चर्चेत आहे, ते म्हणजे याचं.१४ जून रोजी मुंबईतील राहत्या घरी पंख्याला लटकलेल्या अवस्थेत त्याचा मृतदेह आढळून आला होता. त्यानं आत्महत्या केली असं पोलिसांनी सांगितलं होतं. परंतु त्या दिवसापासून आजपर्यंत या प्रकरणात अनेक गोष्टी समोर आल्या, सुशांतच्या मृत्यू प्रकरणात अनेक घडामोडी घडल्या, असं असलं तरी सुशांतचा मृत्यून नेमका कसा झाला याचं कोडं आजही उलगडू शकलं नाही. सुशांताचा मृत्यू झाला त्यावेळी त्याची बहिण मीतू यांच्यासोबत संदीप सिंह दिसला होता. सुशांतचा मृतदेह कूपर हॉस्पिटलमध्ये घेऊन जातानाही तो होता. कूपर हॉस्पिटलमध्ये गेल्यानंतर सुशांतच्या काही कागदपत्रांची पूर्तता करण्यासाठी तो सुशांतच्या बहिणीसोबत उभा होता. तेव्हापासून सोशल मीडियावर संदीपवर अनेक आरोप केले होते. पणं संदीपनं मौन बाळगणं पसंत केलं होतं. पण आता त्यानं दोन महिन्यांतर मौन सोडलं असून त्याच्यावर करण्यात आलेल्या सर्वच प्रश्नांची उत्तर दिली आहेत. संदीपनं इन्स्टाग्राम अकाऊंटवर काही पोस्ट शेअर करत त्याची बाजू मांडण्याचा प्रयत्न केला आहे. सुशांतच्या कुटुंबियांनी संदीपला ओळखत नसल्याचं म्हटलं होतं. पण संदीपनं सुशांतच्या बहिणीसोबतचे काही चॅट शेअर केले आहेत. तसंच १४ जून या दिवशी तो सुशांतच्या बहिणीसोबत का होता. याचं उत्तरही त्यांनं दिलं आहे. सुशांतच्या मृत्यूची बातमी कळताच तो सुशांतच्या घरी पोहोचला. घरी पोहचल्यानंतर मीतू ही सुशांतची बहिण एकटीच तिथं होती. तिची मदत करण्यासाठी तो सोबत होता, असं संदीपनं स्पष्ट केलं आहे. कूपर हॉस्पिटलमध्ये संदीप कोणाला तरी अंगठा दाखवून काही तरी इशारा दिल्याचा व्हिडिओ व्हायरल झाला होता. यावरही त्यांन स्पष्टीकरण दिलं आहे. कूपर हॉस्पिटलमध्ये पोलिसांनी संदीप सिंह कोण आहे? असं विचारलं होतं. त्यावर मोठ्यानं न ओरडता मी अंगठा दाखवून पोलिसांना मीच संदीप असल्याचं सांगितलं होतं, असं संदीपनं म्हटलं आहे. १४ जून रोजी सुशांतच्या मृत्यूनंतर त्याचं पार्थिव शरीर अॅम्ब्युलन्समधून कूपर हॉस्पिटलमध्ये नेण्यात आलं होतं. याच अॅम्ब्युलन्सच्या चालकाला संदीपनं दोन दिवसांनंतर फोन केल्याचं उघड झालं होतं. त्यानं हा फोन नेमका का केला याचं उत्तर सुशांतच्या बहिणीसोबतचं चॅट शेअर करून दिलं आहे. अॅम्ब्युलन्सचं भाडं दिलं गेलं आहे की, नाही हे पाहण्यासाठी सुशांतच्या बहिणीनं संदीपला सांगितलं होतं. असं या चॅमधून दिसून येत आहे.
from Marathi Bollywood News, Marathi Cinema News https://ift.tt/3bHviq0