मुंबई- ज्येष्ठ अभिनेत्री आशालता बावगावकर यांना करोनाची लागण झाली असून त्यांना तातडीने इस्पितळात भरती करण्यात आलं आहे. काळूबाईच्या नावाने चांगभलं या मालिकेच्या चित्रीकरणादरम्यान त्यांना करोनाची लागण झाली. फक्त आशालता यांनाच नाही तर काळूबाईच्या सेटवर काम करणाऱ्या २७ जणांना करोनाची लागण झाली आहे. विशेष म्हणजे मालिकेच्या चित्रीकरणासाठी मुंबईवरून एक डान्स ग्रुप बोलावण्यात आला होता. यांच्यामार्फत करोनाची लागण झाल्याचं सध्या म्हटलं जात आहे. सोमवारी अचानक त्यांची प्रकृती खालावली गेली. यामुळे त्यांना इस्पितळात भरती करण्यात आले. सध्या त्यांची प्रकृती चिंताजनक असून त्यांना व्हेंटिलेटरवर ठेवण्यात आलं आहे. दरम्यान, काही दिवसांपूर्वी अर्जुन कपूरने त्याच्या इंस्टाग्रामवरून त्याची करोना टेस्ट पॉझिटिव्ह आल्याचं सांगितलं होतं. डॉक्टरांच्या सल्ल्यानुसार अर्जुन होम क्वारन्टाइन राहणार असल्याचंही स्पष्ट केलं होतं. अर्जुनमध्ये करोनाची कोणतीही लक्षणं दिसत नव्हती. इंडियाज बेस्ट डान्सरच्या सेटवर सात लोक करोना पॉझिटिव्ह यानंतर मलायका अरोराही करोना पॉझिटिव्ह असल्याचं समोर आलं होतं. तिच्या टीव्ही शो इंडियाज बेस्ट डान्सरच्या सेटवर सात लोक करोना पॉझिटिव्ह असल्याचं समोर आलं होतं. यानंतर तातडीने या शोचं चित्रीकरण बंद करण्यात आलं. मलायका आधीपासूनच या शोवर येण्यास घाबरत होती. पण तिची मनधरणी केल्यानंतर तिला परत शोमध्ये बोलावण्यात आलं होतं. बोनी कपूर यांचा स्टाफही होता पॉझिटिव्ह काही महिन्यांपूर्वी बोनी कपूर यांच्या घरातला स्टाफही करोना पॉझिटिव्ह होता. असं असलं तरी त्यांच्या कुटुंबातील कोणालाही करोनाची लागण झाली नव्हती. सर्वांचे रिपोर्ट निगेटिव्ह आले होते. अमिताभ आणि अभिषेक बच्चनही होते करोना पॉझिटिव्ह काही महिन्यांपूर्वी अमिताभ बच्चन, अभिषेक बच्चन यांनाही करोनाची लागण झाल्यामुळे इस्पितळात दाखल करण्यात आलं होतं. यानंतर ऐश्वर्या राय- बच्चन आणि आराध्या बच्चनही करोना पॉझिटिव्ह असल्याचं समजलं होतं.
from Marathi Bollywood News, Marathi Cinema News https://ift.tt/3iOv3Mo
