मुंबई- सुशांतसिंह राजपूतच्या मृत्यू प्रकरणानंतर बॉलिवूडमध्ये बरेच बदल झाले. घराणेशाही आणि नैराश्य याबद्दल लोत उघडपणे बोलू लागले आहेत. यापैकी एक म्हणजे फैझल खान. फैजल हा आमिर खानचा भाऊ आहे. फैजलने करण जोहरने त्याचा अपमान केल्याचं सांगितलं. त्याशिवाय कुटुंबियांनी त्याला जवळपास एक वर्ष जबरदस्ती औषधं खायला घातली असंही तो म्हणाला. फैजले २००० मध्ये प्रदर्शित झालेल्या 'मेला' सिनेमात काम केलं आहे. कुटुंबाने वर्षभर घरात बंदिस्त केलं होतं फैजल खानने एका वेबसाइटला दिलेल्या मुलाखतीत या सर्व गोष्टी सांगितल्या. फैजल म्हणाला की, त्याच्या कुटुंबीयांनी त्याला जवळपास वर्षभर नजर कैदेत ठेवलं होतं आणि तेव्हा जबरदस्ती औषधंही दिली जायची.या सर्व गोष्टी असूनही मला आशा होती की वाईट काळ निघून जाईल. मानसिकदृष्ट्या दुर्बल असल्याचं सांगण्यात आलं २००७ मध्ये फैजल मानसिकरित्या दुर्बल असल्याचं आणि नैराश्यात असल्याचं सांगण्यात आलं होतं. तसेच स्किझोफ्रेनिक आजारानेही तो ग्रस्त असल्याचं म्हटलं गेलं. फैजलने याबद्दल बोलताना स्पष्ट केलं की, तो पूर्णपणे तंदुरुस्त आणि मानसिकरित्या उत्तम आहे. तो पुढे म्हणाला की, जर मी मानसिकदृष्ट्या दुर्बल असता तर संपूर्ण सिनेमा स्वतंत्रपणे हाताळू शकलो नसतो. मी घर सोडलं आणि कोर्टात खटला चालवला फैजल म्हणाला की, 'जेव्हा सर्व गोष्टींवर सही करण्याचा माझा हक्क मी गमावत होतो, तेव्हा मला वाटलं की हीच ती वेळ आहे जेव्हा स्वतःसाठी लढावं लागेल. मग मी घराबाहेर पडलो आणि केस लढली. यात कोर्टाने माझ्या बाजूने निर्णय घेतला आणि मी ती केस जिंकलो. करण जोहरनेही मला विचित्र वागणूक दिली फैजल म्हणाला, 'आमिर खानच्या ५० व्या वाढदिवशी मला दुसऱ्या एका व्यक्तीने कमीपणा दाखवला. मला आता त्याचं नाव घ्यायचं नाही. पण करण जोहरनेही मला विचित्र वागणूक दिली. जेव्हा मी काही व्यक्तींशी बोलण्याचा प्रयत्न करत होतो तेव्हा त्याने माझा अपमान केला आणि त्या व्यक्तीपासून मी लांब जाईन याचा प्रयत्न केला. अशा बर्‍याच गोष्टी माझ्या बाबतीत घडल्या. मेला सिनेमानंतर मला वाटलेलं लोक माझं काम पाहून मला सिनेमे देतील. मी निर्मात्यांच्या ऑफिसमध्ये जायचो. पण ते मला तासन् तास बसवून ठेवायचे. मला अनेक निर्मात्यांच्या भेटी मिळाल्याही नाहीत. मी तो काळही पाहिला आहे.'
from Marathi Bollywood News, Marathi Cinema News https://ift.tt/2DCalzY