मुंबई- भारतातील दिग्गज गायकांमधील एक यांचा आज ८७ वा वाढदिवस. आशा ताईंनी जवळपास सहा दशकं संगीत जगतात अधिराज्य गाजवलं. आजच्या खास दिवशी आम्ही आशा ताईंचा एक असा किस्सा तुमच्यासोबत शेअर करणार आहोत जो फारसा कोणाला माहीत नाही. संगीत सेतू पत्रकार परिषदेत सांगितला किस्सा आशा भोसले या एसपी बालसुब्रमण्यम, अनुप जलोटा आणि सोनू निगम यांच्यासोबत एका पत्रकार परिषदेत सहभागी झाल्या होत्या. यावेळी त्यांनी हा रंजक किस्सा सर्वांना सांगितला होता. आशा ताईंवर एक अशी वेळ आली होती की त्यांनी गरजूंसाठी स्वतःचे दागिनेही विकले होते. मी आयुष्यात अनेक गोष्टी पाहिल्या. अनेक संकटं झेलली. जेव्हाही देशावर कोणतं संकटं आलं मी माझ्यापरिने योगदान दिलं आहे. आशा भोसले यांना देवी मां म्हणून हाक मारतो सोनू निगम फार कमी लोकांना माहीत आहे की सोनू निगम आशा भोसले यांना देवी मां म्हणून हाक मारतो. या वयातही कोण इतकं सुरेख गाणं कसं गाऊ शकतं. ही एक दिव्य शक्तीच आहे. आमचं भाग्य आहे की आज आम्ही त्यांना ऐकू शकतो. या वयात लोक हत्यारं टाकतात. पण ताई आजही दररोज रियाज करतात. त्यांच्यासारखं दुसरं कोणीच नाही. आशा भोसले यांनी लॉन्च केलं आपलं स्वतःचं यूट्यूब चॅनल काही दिवसांपूर्वी आशा भोसले यांनी स्वतःचं यूट्यूब चॅनल सुरू केलं. वयाच्या 86 व्या वर्षी आध्यात्मिक गुरू श्री श्री रविशंकर यांच्या 64 व्या वाढदिवसा दिवशी त्यांनी हे यूट्यूब चॅनेल लॉन्च केलं होतं. आशा ताईंचं यूट्यूब चॅनल येताच चाहत्यांनी त्यांच्यावर प्रेमाचा वर्षाव सुरू केला.
from Marathi Bollywood News, Marathi Cinema News https://ift.tt/3hdmHfI