मुंबई- मालिकांमध्ये बर्‍याच वेळा असे काही ट्विस्ट दाखवले जातात जे फारच हास्यास्पद असतात. असे सीन लिहिताना आणि ते सादर करताना लेखकाने तसंच मालिकेतील कलाकार दिग्दर्शकांनी काय विचार केला असेल असा प्रश्न ते पाहणाऱ्या प्रेक्षकांना पडतो. काही दिवसांपूर्वी 'ये रिश्ता क्या कहलाता है' ही मालिका त्यातील एका हास्यास्पद सीनमुळे बरीच ट्रोल झाली होती. आता त्याच्याही वरचढ मुर्खपणा अजून एका मालिकेने केला आहे. 'इश्क में मरजावां २' या मालिकेतील अपहरणाचा सीन पाहून तुम्हाला हसावं की रडावं असं नक्कीच वाटू शकतं. मालिकांचा दर्जा किती खालावत चालला आहे हे अधोरेखित करणारा हा सीन आहे. हा सीन पाहून सोशल मीडियावर मालिकेच्या टीमला मोठ्या प्रमाणात ट्रोल करण्यात आलं. नुकत्याच दाखवण्यात आलेल्या एका प्रसंगामध्ये मालिकेत रिद्धिमाची मुख्य भूमिका साकारणारी अभिनेत्री चालताना अचानक एका बॅगला पाय लागून धडपडते आणि तिचं डोकं भींतीला आपटतं.. इथपर्यंत तरी सर्व काही पचवण्यासारखं असलं तरी पुढे ती भितीवर आपटून थेट त्या बॅगमध्ये पडते जी तिच्या अपहरणासाठी वापरण्यात येणार असते. यानंतर, एक माणूस ती बॅग घेऊन स्विमिंग पूलमध्ये फेकतो. हा सीन पाहून प्रेक्षक स्वतःचं हसू रोखू शकले नाहीत. याचा अनेक मीम्स सध्या सोशल मीडियावर व्हायरल होत आहेत. लेखक काय विचार करून हा सीन लिहित होता असा प्रश्नही काही यूझरने विचारला.
from Marathi Bollywood News, Marathi Cinema News https://ift.tt/32WjNIy
