मुंबई- अभिनेता ने सुरुवातीच्या काळात सिनेसृष्टीत आपलं स्थान मिळवण्यासाठी बराच संघर्ष केला. आता त्याने आपली ओळख निर्माण केली असून त्याला अनेक चांगल्या सिनेमांची ऑफर येऊ लागली आहे. नुकतीच त्याने सर्वात मोठी डील साइन केली आहे. मीडिया रिपोर्टनुसार, कार्तिक आर्यनला एकाच वेळी तीन सिनेमांची ऑफर मिळाली असून यासाठी त्याला ७५ कोटी रुपये दिले जाणार आहेत. सुरुवातीला सहा ते आठ कोटी घ्यायचा, आता २५ कोटी घेईल कार्तिक आर्यन एका इंग्रजी वेबसाइटने प्रसिद्ध केलेल्या कार्तिक आर्यनने प्रॉडक्शन हाऊस इरॉस इण्टरनॅशनलसोबत तीन सिनेमांचा करार केला आहे. यासाठी त्याला जवळपास ७५ कोटी रुपये देण्यात येतील. पूर्वी कार्तिक आर्यन एका सिनेमासाठी सहा ते आठ कोटी रुपये आकारायचा. पण आता तो एका सिनेमासाठी २५ कोटी रुपये घेत आहे. सिनेमांची माहिती अजून आली नाही समोर कार्तिक आर्यनने साइन केलेल्या सिनेमांची माहिती आणि त्याचे दिग्दर्शक यासंबंधीची कोणतीही माहिती अद्याप कळू शकलेली नाही. पण कार्तिक आर्यन इरॉस इण्टरनॅशनलसह तीन सिनेमे करेल असे म्हटले जात आहे. असं असलं तरी अभिनेत्याच्या टीमने या वृत्ताला दुजोरा दिला नाही आणि प्रॉडक्शन हाऊसच्या प्रवक्त्याने ही बातमी फेटाळून लावली आहे. कार्तिक आर्यनचे आगामी चित्रपट कार्तिकच्या सिनेमांबद्दल बोलायचे झाले तर कार्तिक आर्यनकडे अनेक सिनेमांची मोठी रांग आहे. यात 'दोस्ताना २', 'भूल भुल्लैया २' आणि 'अला वैकुंठपुरमलो' या सिनेमाच्या रिमेकचा समावेश आहे. कार्तिक आर्यन पुढील दोन वर्ष या प्रोजेक्टमध्ये व्यग्र आहे. दरम्यान या वर्षी त्याचा सारा अली खानसोबतचा इम्तियाज अली दिग्दर्शित ‘लव्ह आज काल’ सिनेमा प्रदर्शित झाला होता.
from Marathi Bollywood News, Marathi Cinema News https://ift.tt/33RZISD
