मुंबई- 'बिग बॉस १४' मध्ये या वेळी कोणत्या सेलिब्रिटीज दिसणार यावरूनअजूनही पूर्णपणे पडदा उठलेला नाही. आतापर्यंत अनेक सेलिब्रिटींचीं नावं समोर आली आहेत. पण अद्याप अधिकृतपणे कोणत्याच नावाची पुष्टी झालेली नाही. निशांत मल्कानीा, जास्मीन भसीन, पवित्र पुनिया आणि राहुल वैद्य यांच्या नावांची पुष्टी झाल्याचं बोललं जात आहे. दरम्यान, ‘बिग बॉस १४’ मध्ये अभिनेत्री कविता कौशिकदेखील दिसू शकते अशी बातमी आता समोर आली आहे. कविता कौशिक 'बिग बॉस १४' मध्ये दिसेल अशी अधिकृत माहिती शोकडून मिळालेली नाही. मात्र 'मिस्टर खबरी' या सोशल मीडिया पेजवरील एका ट्वीटमध्ये कविता लवकरच बिग बॉसच्या घरात जाईल असं सांगण्यात आलं आहे. बिग बॉसमध्ये जाण्याच्या करारावर ती लवकरच स्वाक्षरी करणार आहे. यानंतर तिची वैद्यकीय चाचणी तसेच करोना तपासणी होईल. यानंतर कविता शोमधील तिच्या एन्ट्रीच्या काही दिवस आधी मुंबईतील हॉटेलमध्ये अलग ठेवली जाईल. दरम्यान, कविता कौशिकला यापूर्वीही 'बिग बॉस' च्या वेगवेगळ्या सीझनसाठी विचारण्यात आले होते. पण ते होऊ शकले नाही. पण यावेळी ती शोची निश्चित स्पर्धकांपैकी एक असल्याचं म्हटलं जात आहे. ३ ऑक्टोबरपासून 'बिग बॉस १४' हा रिअॅलिटी शो सुरू होत आहे. ३ तारखेला रात्री ९ वाजाता याचा प्रीमिअर एपिसोड पाहता येणार आहे.
from Marathi Bollywood News, Marathi Cinema News https://ift.tt/2FYMsne
