मुंबई- नारकोटिक्स ब्युरो सध्या सुशांतसिंह राजपूतच्या मृत्यू प्रकरणाची चौकशी ड्रग्ज अँगलने करत आहे. सुशांतचं मृत्यू प्रकरण आता अमली पदार्थांचं सेवन आण देवाण- घेवाणीवर येऊन पोहोचली आहे. नुकतेच या प्रकरणात दीपिका पादुकोणचं नाव समोर आलं आहे. सुरुवातीला तिचं नाव ऐकल्यावर अनेकांनाच आश्चर्याचा धक्का बसला. दरम्यान आता ट्विटरवर दीपिका पादुकोणशी संबंधित मिम्सही व्हायरल होत आहेत. बॉलिवूड ड्रग्ज चॅटमध्ये आता दीपिका पादुकोणचं नावही समोर आलं आहे. टाइम्स नाऊला एनसीबीच्या सूत्रांनी दिलेल्या माहितीनुसार,ड्रग्ज चॅटमध्ये D अर्थात ज्या K कडे 'माल' म्हणजे ड्रग्ज मागत आहे. ती K करिश्मा आहे. जी क्वॉन टॅलेन्ट मॅनेजमेन्ट एजन्सीची एक कर्मचारी आहे. दीपिकाच्या प्रश्नावर करिश्मा उत्तर देते की, 'माझ्याकडे आहे पण घरी आहे.' मी आता वांद्र्यात आहे. करिश्मा पुढे म्हणते की, 'जर सांगाल तर मी अमितला विचारते.' यावर दीपिका त्याला 'हो, प्लीज.' असं उत्तर देते. यानंतर करिश्मा म्हणते की, 'अमितकडे आहे, तो ते घेऊन जात आहेत.' यावर दीपिका म्हणाली, 'हॅश आहे ना.. वीड नाही.' ही बातमी समोर येताच ट्विटरवर वेगवेगळे मिम्स शेअर केले जात आहेत. यातल्या एका फोटोमध्ये रिया तुरुंगात दीपिका पादुकोण आणि सारा अली खानची वाट पाहाताना दाखवण्यात आले आहे. तर काहींनी बॉलिवूड पार्टीवरही निशाणा साधला. दरम्यान, अभिनेता मृत्यू प्रकरणाशी संबंधित अमलीपदार्थ पुरवठा प्रकरणात आरोपी असलेली अभिनेत्री हिच्या अडचणी वाढताना दिसत आहेत. रियाच्या न्यायालयीन कोठडीत ६ ऑक्टोबरपर्यंत वाढ करण्यात आली आहे.
from Marathi Bollywood News, Marathi Cinema News https://ift.tt/32P4Gk2
