मुंबई- बॉलिवूड अभिनेत्री आणि महाराष्ट्र सरकार यांच्यातला वाद आता नवीन नाही. काही दिवसांपूर्वी कंगनाने मुंबई शहराची तुलना पीओकेशी केली होती. त्यानंतर शिवसेना आणि कंगना असा नवा वाद सुरू झाला. त्यानंतर बीएमसीने कंगनाच्या ऑफिसमध्ये बेकायदेशीर बांधकाम केल्याचं सांगतं तिच्या ऑफिसची मोडतोड केली. यानंतर कंगनाने सोशल मीडियावर महाराष्ट्र सरकारवर बेछूट टीका करायला सुरुवात केली. आता या संपूर्ण प्रकरणात ड्रामा क्वीन राखी सावंतनेही तिची या प्रतिक्रिया दिली आहे. सोशल मीडियावर बरीच सक्रिय असते. ती अनेकदा तिच्या चाहत्यांसाठी व्हिडिओही शेअर करते. कंगना जेव्हा मुंबईत आली होती तेव्हा तिने आपलं मत व्यक्त केलं होतं. आता राखीने तिच्या अधिकृत इन्स्टाग्राम अकाउंटवर एक व्हिडिओ शेअर केला आहे. या व्हिडिओमध्ये तिने कंगनाचा चांगलाच समाचार घेतला आहे. यासोबतच तिने उर्मिला मातोंडकर, यांचं समर्थनही केलं आहे. व्हिडिओमध्ये राखी सावंतने कंगनाविषयी अनेक आक्षेपार्ह शब्दही वापरले आहेत. या व्हिडिओमध्ये राखीने कंगनाला प्रश्न विचारत म्हटलं की, जर तिला मुंबई पीओकेसारखी वाटते तर ती इथे काम करण्यासाठी आलीच का? 'आज जे कंगनाला पाठिंबा देत आहेत त्यांना लवकरच खरं काय ते कळेल. तिला मदत करणाऱ्या सहकाऱ्यांना तिने सोडलं नाही. तर ती राजकीय पक्षाला तरी कश काय सोडेल. तिला पार्टीत घ्या तरी.. तिला तिकीटावर उभं करा तरी.. सगळ्यांची पोल खोलेल. कोणालाही सोडणार नाही.. फक्त तुम्ही पाहत रहा' दरम्यान, गेल्या काही महिन्यांपासून सोशल मीडियाच्या माध्यमातून कंगना सतत सिनेसृष्टीवर टीका करत आहे. यावर प्रतिक्रिया देताना राखीने निर्माता-दिग्दर्शक करण जोहरच कौतुक केलं. घराणेशाहीवरून कंगना नेहमी करणवर टीका करते पण त्याच्यासारखा चांगला माणूस नाही. सध्या राखीचे हे व्हिडिओ सोशल मीडियावर व्हायरल होत असून चर्चेचा विषय ठरत आहेत.
from Marathi Bollywood News, Marathi Cinema News https://ift.tt/2FXCgv4
