मुंबई: बॉलिवूड अभिनेता सुशांतसिंह राजपूत याच्या मृत्यूनंतर बॉलिवूडमधलं वातावरण गरम असतानाच आणखी एक वादाचा विषय समोर आलाय. अभिनेत्री हिनं प्रसिद्ध दिग्दर्शक याच्यावर लैंगिक शोषणाचे आरोप केल्यानंतर खळबळ माजली आहे. असं असलं तरी अनुरागने मात्र तिचे सर्व आरोप फेटाळले आहेत. एक पत्रक जारी करत अनुरागच्या वकिलांनी त्याच्यावर करण्यात आलेले सर्व आरोप खोटे असल्याचं म्हटलं आहे. 'माझ्या अशीलावर लैंगिक शोषण आणि गैरवर्तनाचे करण्यात आलेले आरोप चुकीचे असून यामुळं त्यांना दु:ख झालं आहे. हे सर्व आरोप हे बिनबुडाचे, खोटे आहेत. महिलांवर होणारे अत्याचार समोर यावेत यासाठी सुरू झालेली 'मी टू' चळवळ सध्या स्वत:च्या सोयीप्रमाणं स्वार्थासाठी वापरली जात असून यामुळं समोरच्या व्यक्तीचं चारित्र्यहनन होत आहे. हे अत्यंत दुर्दैवी असून हे खोटे आरोपच या चळवळीला कमकुवत बनवताय', असं अनुरागच्या वकिलांनी म्हटलं आहे. दरम्यान, अनुरागने काही ट्विट करून देखील पायल घोष हिनं केलेले सर्व आरोप फेटाळले आहे. त्यानं ट्विट करत हे सर्व आरोप बिनबुडाचे असल्याचं म्हटलं आहे. आणखी आक्रमणं व्हायची आहेत. ही तर केवळ सुरुवात आहे. अनेकांचे फोन आले, की काही बोलू नकोस,शांत बस. हे पण माहित आहे की, माहित नाही कुठल्या दिशेनं बाण येणार आहेत', असं अनुरागनं त्याच्या ट्विटमध्ये आहे. वाचा: दरम्यान, अद्यापही पायलनं अनुराग विरोधात कोणतीही तक्रार दाखल केली नाहीए. याची दखल राष्ट्रीय महिला आयोगाच्या अध्यक्षा रेखा शर्मा यांनी घेतली असून या संदर्भातली संपूर्ण माहिती देण्यास सांगितलं आहे. कंगनानं केली अटक करण्याची मागणी पायलनं अनुरागवर आरोप केल्यानंतर कंगनानं पायलच्या ट्विटवर प्रतिक्रिया देत तिला पाठिंबा दिला आहे. प्रत्येक आवाज महत्त्वाचा असं म्हणत तिनं अनुराग कश्यप याला अटक करण्याची मागणी केली आहे. अभिनेत्रींचा अनुरागला पाठिंबा बॉलिवूडमधील अनेक अभिनेत्रींनी सोशल मीडियाद्वारे अनुरागला पाठिंबा दिलाय. तापसी पन्नू, सय्यमी खैर, रिचा चढ्ढा, अमृता सुभाष यांनी इन्स्टाग्रामवर पोस्ट करत त्यांची अनुरागबद्दलची मतं शेअर केली आहेत.
from Marathi Bollywood News, Marathi Cinema News https://ift.tt/33P7GvM
