'एबी आणि सीडी'चे दिग्दर्शक म्हणतात ते दिवस एखाद्या दु:स्वप्नासारखे ठरले

मुंबई :महानायक यांची भूमिका आणि ज्येष्ठ अभिनेते यांची मुख्य भूमिका असल्यानं '' हा मराठी चित्रपट विशेष चर्चेत होता. १३ मार्चला हा चित्रपट महाराष्ट्रात प्रदर्शित झाला आणि त्यानंतर १६ मार्चला थिएटर्स बंद झाली.चित्रपटाचे दिग्दर्शक यांच्यासाठी हा क्षण अत्यंत निराशाजनक ठरला. या गोष्टीला आता सहा महिने उलटले असताना 'मुंटा'नं त्यांच्याशी संपर्क साधला असता, 'सिनेमागृहांत हा चित्रपट दाखवता आला नाही याचं अर्थातच खूप दु:ख झालं. ही घटना आयुष्यात कधीच विसरु शकत नाही', अशी प्रतिक्रिया लेले यांनी व्यक्त केली. गेल्या सहा महिन्यांपासून चित्रपटगृहं बंद असलेली सिनेमागृहं अजूनही सुरू होऊ शकलेली नाहीत. या मल्टीस्टार चित्रपटाकडून टीमला खूप अपेक्षा होत्या. कोणत्याही दिग्दर्शकासाठी त्याच्या सिनेमाचं प्रदर्शन आणि तो प्रदर्शनाचा आठवडा खूप महत्त्वाचा असतो. पण, 'एबी आणि सीडी' सिनेमाच्या दिग्दर्शकाच्या बाबतीत हे दिवस एखाद्या दु:स्वप्नासारखे ठरले. सिनेमा प्रदर्शित होताच करोनाच्या संकटामुळे पुढील दिवसांमध्ये चित्रपट येणंच बंद झालं. लेले म्हणाले, की, 'प्लॅनेट मराठी निर्मित 'एबी आणि सीडी' हा सिनेमा १३ मार्चला महाराष्ट्रात प्रदर्शित करण्यात आला. ज्येष्ठ अभिनेते विक्रम गोखले आणि महानायक अमिताभ बच्चन यांच्या मैत्रीवर आधारित या सिनेमामध्ये बच्चन साहेब मराठीत मोठ्या पडद्यावर दिसणार याचा आनंद होता. सिनेमातील त्यांची एंट्री हा कुतूहलाचा विषय होता. त्याच चित्रीकरणही त्याप्रमाणे करण्यात आलं होतं. १३ तारखेला केवळ काही शोनंतरच कोव्हीडमुळे दुसऱ्या दिवसापासून चित्रपटगृहं बंद झाली. तो क्षण हेलावून टाकणारा होता. परिस्थितीसमोर आपण सारे हतबल होतो. सिनेमा प्रेक्षकांसमोर आणायचाच असं आम्ही ठरवलं होतं. त्यानुसार १ मे रोजी हा सिनेमा अॅमेझॉन प्राइमवर प्रदर्शित करण्यात आला. लोकांना तो आवडला असला, तरी सिनेमागृहात चित्रपट दाखवता आला नाही याचं दुःख कायम राहील.'

from Marathi Bollywood News, Marathi Cinema News https://ift.tt/35IYzzB