मुंबईः मुंबई हायकोर्टाने मंगळवारी ड्रग्ज चॅट प्रकरणी अभिनेत्री ( rhea chakraborty ) आणि तिचा भाऊ शौविक चक्रवर्ती ( ) यांच्या जामीन अर्जावर ( bail plea ) सुनावणी केली. सुनावणी दरम्यान रिया आणि शौविक यांचे वकील सतीश मनेशिंदे आणि एनसीबी यांनी आपले युक्तिवाद मांडले. जामीन याचिकेवरील निर्णय हायकोर्टाने राखून ठेवला आहे. रिया चक्रवर्ती, तिचा भाऊ शौविक चक्रवर्ती आणि इतरांच्या जामीन अर्जावर मुंबई हायकोर्टाने निर्णय राखून ठेवला आहे. याच्या मृत्युशी संबंधित ड्रग्ज प्रकरणात नारकोटिक्स कंट्रोल ब्युरोने त्यांना अटक केली होती. 'हे प्रकरण सुशांतसिंह राजपूतशी संबंधित नाही' हा एक ड्रग्ज सिंडिकेट आहे आणि ते सर्व एकमेकांशी जोडलेले आहेत. आतापर्यंत अटक केलेले सर्वजण हे एकमेकांशी संबंधित आहेत आणि हे सिंडिकेट आहे. प्रत्येकजण नेहमी ड्रग्ज खरेदी करत होता, असं नारकोटिक्स कंट्रोल ब्युरोचे अतिरिक्त सॉलिसिटर जनरल अनिल सिंग म्हणाले. याआधी अनिल सिंग यांनी रिया चक्रवर्ती, शौविक चक्रवर्ती आणि इतरांच्या जामीन अर्जाला विरोध केला. हे प्रकरण सुशांतसिंह राजपूतशी संबंधित नाही, असं ते म्हणाले. 'हत्येपेक्षाही गंभीर गुन्हा' अशा प्रकारचा गुन्हा हा हत्येपेक्षा गंभीर ठरतो, असं खटल्याच्या सुनावणीच्या वेळी अतिरिक्त सॉलिसिटर जनरल कोर्टात म्हणाले. दुसरीकडे, रियावर कलम 27 ए अंतर्गत गुन्हा नोंदवण्यात आला आहे. याची उलटतपासणी केली जात आहे. एनडीपीसीचा हा कलम लावणं योग्य नाही. या प्रकरणात एनसीबीकडे कोणताही पुरावा नाही. तर या व्यतिरिक्त सर्व कलमांमध्ये जामिनाची तरतूद आहे, असं रियाचे वकील सतीश मानशिंदे यांनी कोर्टाला सांगितलं. कलम 27 ए मध्ये १० वर्षांच्या तुरुंगवासाची शिक्षा आहे. ड्रग्जसाठी घेण्यासाठी पैशांचा व्यवहाराचा यात समावेश आहे. 'सुशांतला मानसिक समस्या होत्या' सुशांतसिंह राजपूतला काही विशेष मानसिक समस्या होत्या, असं रिया चक्रवर्ती आणि शौविक चक्रवर्ती यांच्या जामीन अर्जाच्या सुनावणीदरम्यान त्यांचे वकील सतीश मनेशिंदे म्हणाले. रिया सुशांतसोबत लिव्ह-इनमध्ये राहण्यापूर्वीच सुशांतला या समस्या होत्या. सुशांत त्याच्या मानसिक समस्येवरही उपचार घेत होता, असंही मनेशिंदे म्हणाले. रिया आणि शौविक यांच्या जामीन याचिकेवर सुनावणी घेण्यापूर्वी कोर्टाने आरोपी ड्रग पेडलर झैद विलत्रा याच्या याचिकेवर सुनावणी केली. रिया आणि शौविककडे ड्रग्ज कमर्शल क्वॉन्टिटी आढळून आले नव्हते. म्हणजे ते ड्रग्जचा व्यवसाय करत नव्हते. यामुळे त्यांना जामीन मिळायला हवा. तसंच एनसीबीने केलेले आरोपही निराधार असल्याचं सतीश मानेशिंदे म्हणाले.
from Marathi Bollywood News, Marathi Cinema News https://ift.tt/30gYobh
