मुंबई- सध्या रिया चक्रवर्ती ड्रग्ज प्रकरणात भायखळा कारागृहात आहे. नारकोटिक्स ब्युरोच्या चौकशीत रियाने सुशांतला ड्रग्ज पुरवल्याचं आणि त्यासाठीचे व्यवहार केल्याचं मान्य केलं. ती स्वतः ड्रग्ज पेडलर्सशी संपर्क करायची आणि भाऊ शौविक चक्रवर्ती आणि दिपेश सावंत यांच्यातर्फे पेडलर्सना पैसे द्यायची. एनसीबीच्या चौकशीत रियाने आणखी बर्‍याच गोष्टींची कबुली दिली आहे. यात रियाने स्पष्ट केलं की, सुशांत कधीही स्वतःकडे ड्रग्ज ठेवायचा नाही. त्याला पकडले जाण्याची नेहमीच भीती वाटत होती. रियाच्या ड्रग चॅटमध्येही स्पष्ट आहेत या गोष्टी रिया चक्रवर्तीने एनसीबीला दिलेल्या जबाबात म्हटलं की, सुशांत स्वतःजवळ कधीही ड्रग्ज ठेवायचा नाही. हे ड्रग्ज नेहमी दिपेश सावंत, सॅम्युअल मिरांडाजवळ असायचे. तेच लोक सुशांतला रोल करून जॉइन्ट द्यायचे. रियाच्या ड्रग्ज चॅटमध्येही याचा खुलासा झाला आहे. यात रियाने ग्रुपवर सुशांतसाठी रोल करून द्या असे ऑर्डर दिले होते. याशिवाय दिपेश सावंतनेही आपल्या जबाबात मान्य केलं की तोच सुशांतला जॉइन्ट्स करून द्यायचा. दुसर्‍या गाडीत ठेवायचे ड्रग्ज, जेणेकरून... नारकोटिक्स आणि पोलिसांचीही सुशांतला सतत भीती वाटायची. रियाने चौकशीत स्पष्ट केलं की सुशांत आणि रिया वेगवेगळ्या गाडीतून प्रवास करायचे. त्यांच्या मागून जी गाडी यायची त्यात ते ड्रग्ज ठेवायचे. कारण जर पोलिसांनी चौकशी केली तर हे दोघं न अडकता मागची गाडी अडकेल. कधीच पेडलर्सला स्वत:हून फोन केला नाही रियाने सांगितलं की याच भीतीमुळे सुशांत कधीही ड्रग पेडलरला स्वतःहून फोन करायचा नाही. यासाठी तो रियाला, शौविक किंवा त्याच्या स्टाफला बोलायला सांगायचा. जबाबात रियाने स्पष्ट केलं की, सुशांतचा फोन आता तिच्याकडे नाही. त्यामुळे याबद्दल ती अधिक टिप्पणी करू शकत नाही. दिपेश-सॅम्युअलला सांगायचा- सॉट अरेंज कर दो म्हणाले जेव्हा सुशांतला ड्रग्ज हवे असायचे तेव्हा तो दीपेश सावंत किंवा सॅम्युअल मिरांडाला सांगायचा. रियाने आपल्या जबाबात सारा अली खानचं नाव घेतं म्हटलं की, सुशांत आधीही ड्रग्ज घेत होता. पण 'केदारनाथ' सिनेमाच्या शूटिंग दरम्यान त्याने सारा अली खानसोबत हेवी डोस घेतला. यानंतर त्याचं अमली पदार्थांचं सेवन करणं उत्तरोत्तर वाढत गेलं. लॉकडाउनमध्येही तो मोठ्या प्रमाणात अमली पदार्थांचं सेवन करायचा.
from Marathi Bollywood News, Marathi Cinema News https://ift.tt/30cSEPR
