मुंबई टाइम्स टीम गणपती बाप्पाची आरती, तीही आपल्या आवडत्या सेलिब्रिटीसह करायला मिळाली तर? 'महाराष्ट्र टाइम्स'च्या अनेक वाचकांनी सोमवारी हा अनुभव ऑनलाइन घेतला. 'महाराष्ट्र टाइम्स कल्चर क्लब'च्या वतीनं 'लाइव्ह महाआरती विथ सेलिब्रिटी' या उपक्रमासाठी सुप्रसिद्ध अभिनेता सुशांत शेलारनं 'परळचा महाराजा' या प्रसिद्ध गणेशोत्सव मंडळात हजेरी लावली. सुरक्षित वावराच्या नियमांचं पालन करून मंडळाचे कार्यकर्ते, काही रहिवासीदेखील या आरतीला उपस्थित होते. वाचक घरबसल्या या आरतीमध्ये सहभागी झाले होते. सोशल डिस्टन्सिंगचे नियम असल्यामुळे यंदा मंडळांत भाविकांची गर्दी कमी आहे. तरीही उत्साह मात्र कायम आहे. वाचकांचा उत्सवाचा आनंद द्विगुणित करण्यासाठी 'महाराष्ट्र टाइम्स कल्चर क्लब'च्या वतीनं बाप्पाची 'लाइव्ह महाआरती विथ सेलिब्रिटी' या उपक्रमाचं आयोजन करण्यात आलं होतं. गिरणगावातच लहानाचा मोठा झालेला आणि सार्वजनिक उत्सवात सक्रिय असलेला अभिनेता सुशांत शेलारच्या हस्ते 'परळचा महाराजा'ची महाआरती करण्यात आली. मंडळाचं हे ७७ वं वर्ष आहे. 'जगावर ओढवलेलं हे करोनाचं संकट लवकर दूर व्हावं' अशी प्रार्थना यावेळी सुशांतनं केली. मी लहानाचा मोठा लालबाग-परळ या भागात झालोय; त्यामुळे इथले उत्सव आणि लोकांशी माझी नाळ कायमची जोडलेली आहे. 'महाराष्ट्र टाइम्स'च्या वतीनं 'परळचा महाराजा'च्या आरतीचा मान मला मिळाला यासाठी मटाचा आभारी आहे. राज्यावर, देशावर आलेलं हे करोनाचं संकटं मोठं आहे आणि बाप्पा ते दूर करेल हे नक्की. -सुशांत शेलार फोटो - रामेश्वर जगदाळे
from Marathi Bollywood News, Marathi Cinema News https://ift.tt/3hO3iTD
