मुंबई- प्रकरणात सलग चौथ्या दिवशीही रिया चक्रवर्तीची चौकशी करत आहे. रियासोबतच तिचा भाऊ शौविक चक्रवर्तीलाही चौकशीसाठी सतत बोलावण्यात येत आहे. पण आता पहिल्यांदाच सीबीआयने रिया चक्रवर्तीच्या आई- वडिलांना चौकशीसाठी बोलावले आहे. बाबा इंद्रजित चक्रवर्ती आणि आई संध्या चक्रवर्ती यांना सीबीआय काही ठराविक प्रश्न विचारणार आहेत. डीआरडीओ गेस्ट हाऊसमध्ये रियाच्या पालकांसह सुशांतची माजी व्यवस्थापक श्रुती मोदीचीही दुसऱ्यांदा चौकशी केली जात आहे. यासोबत सुशांतचे स्वयंपाकी नीरज आणि त्याचा घरातील मदतनीस केशव यांनाही सीबीआयने गेस्ट हाउसवर बोलावले आहे. रियाच्या पालकांना विचारल्या जाणाऱ्या प्रश्नांची लांबलचक यादीही तयार केली गेली आहे. रियाच्या वडिलांकडून या पैशांबद्दल विचारपूस केली जाईल सुशांतच्या वडिलांच्या एफआयआरमध्ये रियाचे वडील इंद्रजित चक्रवर्ती यांचंही नाव आहे. सुशांतचे १५ कोटी रुपये रिया आणि तिच्या कुटुंबीयांनी हडप केले असल्याचा आरोप केके सिंह यांनी केला. याच आरोपाअंतर्गत सीबीआय इंद्रजीत यांची चौकशी करत आहे. रियाचे वडील इंद्रजित चक्रवर्ती सैन्यात डॉक्टर होते. सीबीआय त्यांना सुशांतच्या आर्थिक व्यवहारांबद्दल प्रश्न विचारत आहे. इंद्रजित यांच्यासोबतच रिया आणि सुशांतची एक्स मॅनेजर श्रुती मोदीलाही पैशांसंदर्भात प्रश्न विचारण्यात आले आहेत. इंद्रजित चक्रवर्ती यांना विचार गेले औषध आणि ड्रग्जबद्दलचे प्रश्न सीबीआय रियाच्या पालकांची स्वतंत्रपणे चौकशी करत आहे. आतापर्यंत मिळालेल्या माहितीनुसार, सीबीआय रियाच्या पालकांना सुशांतसोबतच्या संबंधाबद्दल प्रश्न विचारेल. रियाच्या वडिलांवर आरोप आहे की ते सुशांतला औषधं सुचवत असतं. अशात अमली पदार्थांच्या अँगलनेही त्यांना प्रश्न विचारण्यात येत आहेत. रिपोर्ट्सनुसार सीबीआय रियाच्या पालकांना पुढील प्रश्न विचारू शकतात. १. सुशांत आणि तुमचे संबंध कसे होते? तुम्ही त्याला किती चांगलं ओळखत होता? २. सुशांतला तुम्ही पहिल्यांदा कधी आणि कसे भेटलात? ३. सुशांत आणि रियाच्या नात्याबद्दल तुम्हाला कधी कळले आणि त्यावर तुमची प्रतिक्रिया काय होती? ४. सुशांत डिप्रेशनमध्ये होता असं तुम्हाला वाटतं का? असल्यास, तुम्हाला कल्पना कधी आली? ५. रिया सुशांतच्या घरी त्याच्यासोबत किती काळ राहिली? ६. सुशांतचे तुमच्या मुलाशी शौविकशी कसे संबंध होते? ७. तुम्ही कधी सुशांतला कोणतंही औषध घेण्याचा सल्ला दिला का? रियाने सुशांतला कधी औषध दिलं का? ८. जेव्हा तुम्हाला समजलं की सुशांत डिप्रेशनमध्ये आहे, तेव्हा तुम्ही त्याच्या कुटुंबीयांना माहिती का दिली नाही? ९. तुम्ही कधी सुशांतच्या कुटुंबियांशी बोललात का? तुम्ही त्याच्या कुटुंबाच्या संपर्कात होता का? १०. तुम्ही कधी सुशांतबरोबर पैशांचा व्यवहार केला का? ११. सुशांतची कंपनी तुमच्या पत्त्यावर नोंदवली गेली, असं का? १२. सुशांतला व्यवसाय करण्याचा सल्ला तुम्ही दिला होता काय? १३. सुशांतला तुम्ही किती दिवसांच्या फरकाने भेटायचात? १४. सुशांतला कोणत्या गोष्टीचा त्रास आहे याबद्दल त्याने कधी तुम्हाला सांगितलं होतं का? १५. सुशांतच्या १५ कोटी रुपयांबद्दल तुम्हाला काय माहीत आहे? १६. आध्यात्मिक गुरूकडून सुशांतवर उपचार करण्याचा निर्णय तुमचा होता का? १७. सुशांत ड्रग्ज घ्यायचा असं तुम्हाला कधी वाटलं का? १८. ड्रग चॅटबद्दल तुम्हाला काय माहीत आहे? १९. सुशांत खूप खर्च करायचा का? तुम्ही त्याच्याशी याबद्दल कधी बोललात का? २०. रिया आणि सुशांत कधी लग्नाविषयी बोलले होते का? त्यांची लग्नाची काही योजना होती का?
from Marathi Bollywood News, Marathi Cinema News https://ift.tt/3bf0FI0
