मुंबई- बॉलिवूडच्या ड्रग चॅटमध्ये आतापर्यंतचा सर्वात मोठा खुलासा झाला आहे. नारकोटिक्स ब्युरोने सारा अली खान, श्रद्धा कपूर आणि रकुल प्रीत सिंग यांना समन्स पाठवण्याची तयारी करत असताना त्याच चॅटमध्ये N,J,S,D आणि K यांच्यात ड्रग्ज संदर्भात बोलणं झालेलं दिसत आहे. यात डी म्हणजे आहे. टाइम्स नाऊच्या वृत्तानुसार, एनसीबी आता पुढील आठवड्यात दीपिकाला समन्स पाठवण्याच्या तयारीत आहे. टाइम्स नाऊला एनसीबीच्या सूत्रांनी दिलेल्या माहितीनुसार,ड्रग्ज चॅटमध्ये D अर्थात दीपिका पादुकोण ज्या K कडे 'माल' म्हणजे ड्रग्ज मागत आहे. ती K करिश्मा आहे. जी क्वॉन टॅलेन्ट मॅनेजमेन्ट एजन्सीची एक कर्मचारी आहे. दीपिकाच्या प्रश्नावर करिश्मा उत्तर देते की, 'माझ्याकडे आहे पण घरी आहे.' मी आता वांद्र्यात आहे. करिश्मा पुढे म्हणते की, 'जर सांगाल तर मी अमितला विचारते.' यावर दीपिका त्याला 'हो, प्लीज.' असं उत्तर देते. यानंतर करिश्मा म्हणते की, 'अमितकडे आहे, तो ते घेऊन जात आहेत.' यावर दीपिका म्हणाली, 'हॅश आहे ना.. वीड नाही.' सध्या ड्रग्ज प्रकरणात रिया चक्रवर्ती तुरुंगात आहे. रियानंतर सारा अली खान, रकुलप्रीत सिंग, श्रद्धा कपूर आणि दीपिका पादुकोणचं नावही यात सामील झालं आहे. सारा, रकुल आणि श्रद्धानंतर एनसीबी आता दीपिकाला समन्स पाठवण्याच्या तयारी असल्याचं म्हटलं जात आहे. एनसीबीच्या सूत्रांनी सांगितलं की, दीपिकाला पुढील आठवड्यात चौकशीला बोलवण्यासाठी समन्स पाठवण्यात येईल. एनसीबीच्या पथकाने सोमवारी सुशांतची टॅलेंट मॅनेजर जया शहा आणि बिझनेस मॅनेजर श्रुती मोदी यांची चौकशी केली. आज म्हणजेच मंगळवारी पुन्हा दोघींची चौकशी केली जाईल. सोमवारी जयाची जवळपास चार तास चौकशी करण्यात आली. यादरम्यान, जया शहाने फिल्ममेकर मधु मंतेना वर्माचं नाव घेतलं. एनसीबी बुधवारी मधु वर्माची चौकशी करेल. मधु मंतेना वर्मा यांनी 'सुपर ३०', 'उडता पंजाब', 'क्वीन', 'मसान' सारख्या अनेक हिट सिनेमांची निर्मिती केली आहे. एनसीबीच्या चौकशीत रिया चक्रवर्तीने २५ बॉलिवूड सेलिब्रिटींची नावं घेतली होती. रियाला एनसीबीने ८ सप्टेंबर रोजी अटक केली होती. तिने सुशांतसिंह राजपूतला ड्रग्ज पुरवल्याचं चौकशीत कबूल केलं होतं.
from Marathi Bollywood News, Marathi Cinema News https://ift.tt/3cmEOz5
