मुंबई- गेल्या काही दिवसांपासून बिग बॉस फेम अभिनेत्री आजारी असल्याचं म्हटलं जात होतं. पण तिला नक्की कोणता आजार आहे हे कळलं नव्हतं. तिनेही काही दिवसांपूर्वी इन्स्टाग्राम स्टोरीजमध्ये व्हिलचेअरवर बसलेला एक व्हिडिओ शेअर केला होता. तिचा हा व्हिडिओ पाहून चाहत्यांची चिंता वाढली होती. पण आता तिला नेमकी काय झालं हे कळलं आहे. हिमांशीला कोणतीही दुखापत झाली नसून गेल्या काही वर्षांपासून तिला PCOS चा त्रास आहे. पण हा त्रास आता वाढला असून त्यावर तातडीने उपचार करणं गरजेचं आहे. रक्तस्त्रावामुळे चालूही शकत नाही हिमांशी तिच्या पोटाला अतिरिक्त सूज आली आहे. तसेच मासिक पाळीमध्ये होणाऱ्या रक्तस्त्रावामुळे तिला आता चालणंही कठीण झालं आहे. ७ सप्टेंबरला तिची एक फ्लाइट होती. पण ती या वेदनेने इतकी विव्हळत होती की तिला विमानाच्या आतही व्हिलचेअरवरूनच नेण्यात आलं. आता वेदना सहन होईनात सूत्रांनी दिलेल्या माहितीनुसार, चित्रीकरणानंतर हिमांशीची प्रकृती आणखीनच खालावली. आता डॉक्टरांनी तिला तातडीने शस्त्रक्रिया करण्यास सांगितलं आहे. सध्या तिला PCOS मुळे होणाऱ्या वेदना सहन होत नाहीत आणि ती वेदनेने विव्हळत आहे. काही दिवसांपूर्वी हिमांशी खुरानाने तिच्या पीसीओएसबद्दल सांगितलं होतं. ती म्हणाली होती की, 'मला पीसीओएस आहे. ज्यांना याबद्दल माहीत नाही ते इण्टरनेटवर जाऊन याबद्दलची माहिती घेऊ शकतात. बर्‍याच मुलींना हा त्रास आहे.' 'ज्या मुलींना याचा त्रास आहे त्यांना माझी स्थिती पूर्णपणे कळू शकते. पीसीओएस दरम्यान, बर्‍याच वेळा अचानक वजन खूपच कमी होतं, कधीकधी अचानक वजन वाढतं. रक्तदाबातदेखील चढ- उतार होत राहतो.' हिमांशी पुढे म्हणाले की, अनेकवेळा तिचा रक्तदाब इतका खाली येतो की तिला किमान तीन तास ऑक्सिजन घ्यावा लागतो.
from Marathi Bollywood News, Marathi Cinema News https://ift.tt/3m8qBdy
