मुंबई- बॉलिवूड अभिनेत्री या दिवसांमध्ये बरीच चर्चेत आहे. अलीकडेच तिचा आणि पायल घोषमधला वाद सामंजस्याने मिटला. दरम्यान, रिचा अजून एका कारणामुळे चर्चेत आली आहे. रिचा लवकरच राजकारणात येणार असल्याची बातमी समोर आली आहे. अलीकडेच जेव्हा एका यूझरने अभिनेत्रीला शिवसेनेत जाण्याबाबत प्रश्न विचारला तेव्हा तिने त्यावर आपली प्रतिक्रिया दिली. त्याचं झालं असं की, रिचाने एका यूझरला उत्तर देताना शिवसेनेचं चिन्ह असलें धनुष्य बाणाचं इमोजी पाठवलं. यावर यूझरने तिला शिवसेनेत जाणार हा असा प्रश्न विचारून गोंधळात टाकण्याचा प्रयत्न केला. यूझरने ट्वीट करत रिचाला विचारलं की, 'तुम्ही शिवसेनेत जाणार आहात का? कारण तुमच्या आधीच्या ट्वीटमध्येही शिवसेनेचंच निवडणूक चिन्ह तुम्ही दाखवलं होतं.' या यूझरच्या प्रश्नाला रिचा चड्ढानेही लगेच उत्तर दिलं. तिने ट्वीट करत म्हटलं की, 'अरे नाही नाही.. हू एक पूर्ण वेगळी गोष्ट आहे. याबद्दल मलाही अलीकडेच कळलं की धनुष्य बाण हे #TeamBaan चंही प्रतिक आहे.' यापूर्वी बुधवारी पायल घोषच्या वतीने मुंबई उच्च न्यायालयात स्पष्ट करण्यात आलं की तिचा आणि रिचामधला वाद सामंजस्याने मिटला आहे. यासाठी पायलने रिचाविरोधात केलेलं वक्तव्य मागे घेण्याचा निर्णय घेत रिचाची माफीही मागितली. दरम्यान, रिचाने पायलने तिच्याविरोधात केलेल्या खोट्या, निराधार, अभद्र आणि अपमानजनक विधानांविरोधात उच्च न्यायालयात मानहानीचा दावा दाखल केला होता. तसेच पायलकडे नुकसान भरपाईची मागणी केली होती. पायलने अनुराग कश्यपवर अनेक गंभीर आरोप करताना त्यात काही अभिनेत्रींच्या नावांचाही उल्लेख केला होता. यात पायल घोषने रिचा चड्ढाचं नाव घेतलं होतं. त्यानंतर रिचाने पायलवर मानहानीचा गुन्हा दाखल केला होता.
from Marathi Bollywood News, Marathi Cinema News https://ift.tt/35jlQ9B
