मुंबई- अभिनेत्री हिने लग्नानंतर ग्लॅमरस दुनियेपासून आपलं खासगी आयुष्य नेहमीच दूर ठेवलं. आता पुन्हा एकदा अमृताच्या नावाची चर्चा होऊ लागली आहे. याचं मुख्य कारण म्हणजे तिची प्रेग्नसी. लवकरच अमृता आई होणार आहे. करिना कपूर, अनुष्का शर्मा या अभिनेत्रींच्या यादीत आता अमृता रावचं नावही सहभागी झालं आहे. नुकतीच ती एका क्लिनिकच्या बाहेर दिसली. यावेळी तिच्यासोबत नवरा आरजे अनमोलही होता. अमृता आणि आरजे अनमोल पहिल्यांदा आई- बाबा होणार आहेत. चेकअपसाठी दोघं क्लिनिकमध्ये गेले असता तिथे छायाचित्रकारांनी अमृताचे बेबी बंपसह फोटो काढले. अमृताच्या चेहऱ्यावर गरोदरपणातील तेच स्पष्टपणे दिसत आहे. अमृता आणि अनमोल दोघंही यावेळी आनंदी आणि उत्साही दिसत होत्े. या फोटोंमध्ये अमृताचा बेबी बंप स्पष्ट दिसत आहे. अमृता आणि अनमोलने सात वर्ष एकमेकांना डेट केल्यानंतर २०१६ मध्ये लग्न केलं होतं. त्यांनी लग्नही अगदी मोजक्या माणसांच्या उपस्थितीत केलं होतं. घरातील मोजके सदस्य आणि मित्र- मैत्रिणीच त्यांच्या लग्नाला उपस्थित होते. लग्नाच्या चार वर्षांनंतर आता या स्टार कपलने गुड न्यूज दिली आहे. अभिनेत्रीशी निगडीत एका सूत्राने माहिती दिली की, 'ती तिच्या आयुष्याचा हा टप्पा मनोसोक्तपणे जगत आहे. अनेकांना तिच्या प्रेग्नसीबद्दल माहीत नसलं तरी जे तिच्या जवळचे आहेत, त्या साऱ्यांनाच तिच्या गरोदरपणाची माहिती आहे. लॉकडाउन सुरू होण्यापूर्वीच ती गरोदर होती. अमृता आणि अनमोल दोघांनाही त्यांचं आयुष्य खासगी ठेवून जगणं पसंत आहे.' २००२ मध्ये प्रदर्शित 'अब के बारस' या सिनेमातून अमृताने बॉलिवूडमध्ये डेब्यू केलं होतं. मात्र, 'इश्क-विश्क' आणि 'विवाह' या सिनेमांनी अमृताला ओळख मिळवून दिली. शाहिद कपूरसोबतची अमृता रावची जोडी या सिनेमांमध्ये चांगलीच गाजली होती.
from Marathi Bollywood News, Marathi Cinema News https://ift.tt/3lF8ydR
