मुंबई: बॉलिवूड अभिनेता मृत्यू व त्यासोबतच समोर आलेल्या ड्रग्ज प्रकरणी पोलीस कोठडीत असलेली अभिनेत्री हिला अखेर मुंबई उच्च न्यायालयानं जामीन मंजूर केला. गेल्या एक महिन्यापासून रिया भायखळा येथील तुरुंगात होती. नुकतीच ती तुरुंगाच्या बाहेर पडली असून घरी जाण्यासाठी निघाली आहे. न्यायमूर्ती सारंग कोतवाल यांच्या खंडपीठासमोर आज रियाच्या अर्जावर सुनावणी झाली. हमीदारांची त्वरित व्यवस्था होऊ शकणार नसल्याने सध्या रोखीच्या जामिनावर सुटका होण्याची मुभा द्यावी, अशी विनंती रियाचे वकील अॅड. सतीश मानेशिंदे यांनी केली. त्याप्रमाणे न्यायमूर्तींनी तशी मुभा देऊन एक लाख रुपयांच्या रोख जामिनावर जामीन मंजूर केला. पासपोर्ट पोलिसांकडे जमा करून सहा महिने विशिष्ट तारखांना पोलिस ठाण्यात हजेरी लावण्याच्या अटीवर हा जामीन मंजूर करण्यात आला आहे. रियासोबत आरोपी दीपेश सावंत, सॅम्युअल मिरांडा यांचा जामीन अर्जही मंजूर करण्यात आला. 'सुशांतसिंह राजपूत हा स्वत:च्या घरात राहत होता आणि स्वत:च्या गरजांसाठी खर्च करत होता. त्याच्याविरोधात कोणताही गुन्हा नोंद नव्हता. त्यामुळे रिया चक्रवर्तीने त्याला आश्रय दिला आणि अमलीपदार्थ मिळवण्यासाठी पैशांचा पुरवठा केला, असे म्हणता येणार नाही. रियाची गुन्हेगारी पार्श्वभूमीही नाही. तसेच अमलीपदार्थांचा पुरवठा करणाऱ्या साखळीतही ती सहभागी असल्याचे दिसत नाही', असे रियाच्या बाबतीत अत्यंत महत्त्वाचे निरीक्षण मुंबई हायकोर्टाने आज निकालात नोंदवले. 'दुसऱ्या व्यक्तीला अमलीपदार्थाचे सेवन करण्यासाठी पैसे दिले म्हणजे, देणारी व्यक्ती त्याला उत्तेजन देत आहे आणि अमलीपदार्थ प्रतिबंधक कायद्यातील कलम २-अ अन्वये अमलीपदार्थांसाठी वित्तपुरवठा करणे आणि आरोपीला आश्रय देण्यासारखे होते, हा एनसीबीचा युक्तिवाद मान्य करता येणार नाही, असे निरीक्षणही न्यायमूर्ती सारंग कोतवाल यांनी नोंदवले.
from Marathi Bollywood News, Marathi Cinema News https://ift.tt/3nswfrG
