म. टा. प्रतिनिधी, सांगली नाट्य क्षेत्रात अतिशय मानाचा व प्रतिष्ठेचा समजला जाणारा यंदा स्थगित करण्यात आला. करोना संसर्गाच्या पार्श्वभूमीवर नाट्यगृहे बंद असल्याने सांगलीतील अखिल संस्थेने हा निर्णय घेतला. यामुळे दरवर्षी रंगभूमी दिनी (५ नोव्हेंबर) होणारा विष्णूदास भावे गौरव सोहळा यंदा होणार नाही, अशी माहिती संस्थेचे अध्यक्ष शरद कराळे यांनी दिली. सांगलीतील अखिल महाराष्ट्र नाट्य विद्यामंदिर संस्थेच्या वतीने रंगभूमी दिनाचे औचित्य साधून दरवर्षी विष्णूदास भावे गौरव पुरस्कार प्रदान करण्यात येतो. नाट्य क्षेत्रात विशेष योगदान देणाऱ्या कलाकारांना हा पुरस्कार दिला जातो. नाट्यक्षेत्रात हा पुरस्कार अतिशय मानाचा व प्रतिष्ठेचा समजला जातो. यामुळे दरवर्षी पुरस्कार प्राप्त कलाकारांच्या नावाची घोषणा आणि कार्यक्रमांकडे सर्वांच्या नजरा असतात. यंदा मात्र करोनाच्या संकटामुळे पुरस्कार प्रदान सोहळा स्थगित करण्यात आला आहे. याबाबत प्रसिद्धीस दिलेल्या निवेदनात म्हटले आहे की, 'करोनाचा संसर्ग अजूनही नियंत्रणात आलेला नाही. संसर्ग वाढण्याची भीती आणि नाट्यगृहे खुली नसल्याने यंदा रंगभूमी दिन कार्यक्रमाचे आयोजन करता येणे शक्य नाही. या पार्श्वभूमीवर पुरस्कारांची घोषणा स्थगित करण्यात आली आहे. पाच नोव्हेंबर रोजी होणारा कार्यक्रम देखील रद्द करण्यात आला आहे. करोनाचा संसर्ग नियंत्रणात आल्यानंतर कार्यक्रमाबाबत योग्य निर्णय घेतला जाईल.' संस्थेचे अध्यक्ष शरद कराळे आणि कार्यवाह विलास गुप्ते यांनी ही माहिती दिली.
from Marathi Bollywood News, Marathi Cinema News https://ift.tt/3lJFmmb
