मुंबई : प्रियदर्शन सोमण नायर यांचा 'हंगामा' हा चित्रपट २००३ साली आला होता. त्यानंतर त्याचा सिक्वेल लवकरच प्रेक्षकांच्या भेटीला येणार आहे. ''मध्ये मराठी अभिनेता एका चांगल्या भूमिकेत पाहायला मिळणार आहे. या चित्रपटाचं चित्रीकरण सुरू आहे. मनालीमध्ये याचं निम्मं शूटिंग पार पडलं. त्यानंतर मुंबईमध्येही या चित्रपटाचं शूटिंग होणार आहे. प्रणिथा सुभाष, शिल्पा शेट्टी, परेश रावल, राजपाल यादव, मनोज जोशी, जॉनी लिव्हर, शक्ती कपूर असे अनेक नामवंत कलाकार या चित्रपटात अभिनय करत आहेत. अतुल तोडणकरनं यापूर्वी अनेक मराठी चित्रपट-नाटकांमध्ये भूमिका केल्या आहेत. विनोदी कलाकार म्हणून तो प्रेक्षकांना परिचित आहे. ' २' या चित्रपटातील त्याची भूमिका वेगळी असल्याचं तो सांगतो. भूमिकेबद्दल आणि आपल्या शूटिंगच्या अनुभवाबद्दल तो म्हणाला, की 'हंगामा २ या चित्रपटात काम करण्याची संधी मला मनीषा कोरडे आणि राजेश देशपांडे यांच्यामुळे मिळाली. प्रियदर्शन सरांचा चित्रपट असल्यानं मी अत्यंत उत्साही होतो. तसेच परेश रावल यांच्याबरोबर काम करायला मजा आली. त्यांच्या अभिनयाची सुरुवात देखील थिएटरपासून झाली आहे. मनालीमध्ये आम्ही सुमारे ६ दिवस होतो. आता मुंबईमध्ये देखील काही दृश्यांचं चित्रीकरण होणार आहे. काही दिग्गज कलाकार या चित्रपटात काम करताना दिसणार आहेत. या चित्रपटाचा माझा अनुभव खूप छान होता.'
from Marathi Bollywood News, Marathi Cinema News https://ift.tt/3jiBNBI
