मुंबई- अभिनेता झीशान अयूब यांची पत्नी आणि प्रसिद्ध दिग्दर्शिका-अभिनेत्री रसिका आगाशेने तनिष्क जाहिरातीवर सुरू असलेल्या वादंगावर भाष्य केलं आहे. रसिकाने तिच्या डोहाळे जेवणाचा फोटो सोशल मीडियावर शेअर केला आहे. यात तिच्या बाजूला झीशानही बसलेला दिसत आहे. अलीकडे, तनिष्क या ज्वेलरी ब्रँडला त्यांची नवीन जाहिरात सोशल मीडियावरून हटवावी लागली. या जाहिरातीतून लव्ह जिहादला प्रोत्साहन देण्यात आली असल्याची टीका अनेकांनी केली. या जाहिरातीवरून एवढा वाद निर्माण झाला की तनिष्कने जाहिरात काढून टाकण्याचा निर्णय घेतला. ४३ सेकंदाच्या या जाहिरातीत एक गर्भवती हिंदू महिलेच्या डोहाळे जेवणाचा कार्यक्रम तिच्या सासरी मुस्लिम कुटुंबात सुरू असतो. जाणीवपूर्वक हिंदू मुलगी आणि मुस्लिम मुलगा दाखवल्याची टीका नेटकऱ्यांकडून करण्यात आली. यानंतर तनिष्क कंपनीने जाहिरात मागे घेण्याचा निर्णय घेतला. या जाहिरातीवरून कोलाहल झाल्यानंतर आता जीशान अयूबच्या पत्नीने तिच्या डोहाळे जेवणाचा फोटो शेअर केला आहे. रसिकाने डोहाळ जेवणाचा जो फोटो शेअर केला त्यात तिच्या बाजूला बसलेला दिसत आहे. हा फोटो शेअर करत रसिका म्हणाली की, 'माझं डोहाळ जेवण. वाटला शेअर करुया फोटो' एवढंच नाही तर रसिकाने पुढे लिहिलं की, द्वेष आणि चुकीची मानसिकता ठेवून कमेन्ट करण्यापूर्वी एकदा स्पेशल मॅरेज अ‍ॅक्टबद्दलही वाचा. कबीर खानशी लग्न करून मुस्लिम कुटुंबाला आपल्या आयुष्याचा घटक मानणाऱ्या अभिनेत्री मिनी माथुरनेही जाहिरातीला चुकीचं म्हणणाऱ्यांवर तिखट प्रतिक्रिया दिली आहे. इन्स्टाग्राम स्टोरीवर पोस्ट करत तिने लिहिले की, 'या बहु-सांस्कृतिक विवाहात मला प्रेम मिळालं. आता तनिष्कला ही जाहिरात काढावी लागत आहे, कारण काही कट्टरपंथीयांनी याला लव्ह-जिहादचं नाव दिलं आहे... याला काय अर्थ आहे?' मिनीने पोस्टमध्ये लिहिलं की तनिष्कला आतापर्यंतच्या त्यांच्या सर्वोत्कृष्ट जाहिरातीला काढून टाकावं लागलं ही अत्यंत वाईट गोष्ट आहे.
from Marathi Bollywood News, Marathi Cinema News https://ift.tt/2IzamXF
