मुंबई: बॉलिवूडची ग्लॅमरस अभिनेत्री आणि सिनेमांपेक्षा त्यांचा मुलगा तैमूरमुळं जास्त चर्चेत असतात. तैमूरच्या जन्मापासून ते आतापर्यंत त्याचे अनेक फोटो इंटरनेटवर व्हायरल होत असतात. करिना आता दुसऱ्यांदा आई होणार आहे. सैफ आणि करिना दोघंही दुसऱ्या बाळाची आतुरतेनं वाट पाहत आहेत. नुकत्याच दिलेल्या एका मुलाखतीत करिनानं तिच्या दुसऱ्यांदा आई होण्याचा अनुभव आणि इतर गोष्टींचा खुलासा केला. करिनानं जेव्हा दुसऱ्यांदा गरोदर असल्याची गोड बातमी सैफला सांगितली तेव्हा त्याची प्रतिक्रिया नेमकी काय होती, याबद्दल करिनानं सांगितलं. पत्नी जेव्हा पतीला ती प्रेग्नंट असल्याची बातमी सांगते, तेव्हा पती आनंदाने नाचतो, ओरडतो...असा सीन अनेक चित्रपट आणि मालिकांमध्ये पाहायला मिळतो. पण याउलट प्रतिक्रिया सैफनं दिल्याचं करिनानं सांगितलं. 'दुर्दैवानं माझ्याबाबतीत असं फिल्मी काहीच घडलं नाही. कारण सैफ कायमच रिलॅक्स असतो. तो खूष होता.पण असं फिल्मी काही घडलं नाही. आम्हाला दुसऱ्या बाळासाठी उत्सुक आहोत.', असं करिनानं म्हटलं आहे. आगामी सिनेमांबद्दल बोलायचं झालं तर करीना कपूर लवकरच 'लालसिंग चड्ढा' सिनेमात दिसणार आहे. या सिनेमात तिच्यासोबत आमिर खानही आहे. याशिवाय करण जोहरच्या मल्टीस्टारर 'तख्त' सिनेमावरही ती सध्या काम करत आहे. यात अनिल कपूर, विक्की कौशल, रणवीर सिंग, आलिया भट्ट, भूमी पेडणेकर आणि जान्हवी कपूर यांच्या मुख्य भूमिका आहेत.
from Marathi Bollywood News, Marathi Cinema News https://ift.tt/37Cen8c