मुंबई: ‘’ या मराठी चित्रपटानं थिएटरमध्ये प्रेक्षकांचं प्रेम मिळवल्यानंतर ओटीटीवरही प्रेक्षकांच्या प्रेमाचा गोडावा चाखला आहे. सध्या करोना आणि लॉकडाऊनच्या पार्श्वभूमिवर ओटीटी प्लॅटफॉर्मचा वापर वाढला आहे. हिंदी वेब सीरिज, चित्रपटांसोबत मराठी चित्रपटही ओटीटीवर पाहिले जात आहेत. ओटीटीवर इतके पर्याय आहेत, की काय पाहायचे, हे ठरवणं तसं महाकठीण काम. म्हणूनच हे काम सोपे करण्यासाठी नेटफ्लिक्सवर प्रसारित होणाऱ्या ७० सर्वोत्कृष्ट चित्रपटांची यादी नुकतीच जाहीर करण्यात आली आहे आणि या यादीमध्ये इंग्रजी, हिंदी आणि अन्य भाषेंसोबतच आपल्या मराठी चित्रपटाचाही समावेश करण्यात आला आहे. वरूण नार्वेकर दिग्दर्शित 'मुरांबा' या चित्रपटाला नेटफ्लिक्सवरील उत्कृष्ट चित्रपटांच्या यादीत स्थान मिळालं आहे. अमेय वाघ, , , यांच्या प्रमुख भूमिका असलेला हा आंबट-गोड 'मुरांबा' प्रेक्षकांच्या आजही पसंतीस उतरत आहे. सर्वच वयोगटातील प्रेक्षकांना या चित्रपटानं आपलेसे केलं आहे. आधुनिक नातेसंबंधांची बदलती गती आणि हा बदल स्वीकारताना पालकांची होणारी घालमेल याची सुरेख मांडणी या चित्रपटात करण्यात आली आहे. तीन वर्षांनंतरही या चित्रपटाची लोकप्रियता कायम असण्याबाबत निर्माता निनाद वैद्य सांगतात, 'मुळात हा चित्रपट 'तुमच्या घरातली आमची गोष्ट' या टॅगलाईनला धरून असल्यानं प्रेक्षकांना तो आजही आपल्या जवळचा वाटतो. गेल्या तीन वर्षांपासून 'मुरांबा' नेटफ्लिक्सवर आहे आणि आतापर्यंतच्या सर्वोत्कृष्ट ७० चित्रपटांमध्ये त्यानं आपलं स्थान टिकवून ठेवलं आहे. या पेक्षा दुसरी कुठली आनंददायी गोष्ट असू शकते?'
from Marathi Bollywood News, Marathi Cinema News https://ift.tt/3lVmMHy
