मुंबई टाइम्स टीम लॉकडाउनच्या काळात हातात मोकळा वेळ असल्यानं अनेक बॉलिवूड तारे-तारकांनी आपली सुरू केली. पण, मोठ्या हौसेनं सुरू केलेली ही चॅनल्स आता मात्र थंडावल्याचं दिसून येतंय. चॅनलवर शेवटचा व्हिडीओ अपलोड केल्याला कुणाला चार महिने, कुणाला पाच महिने उलटले आहेत. हळूहळू चित्रिकरणात व्यग्र झाल्यामुळे स्टार्सना आता वेळ मिळत नसल्याचं सांगितलं जातंय. लॉकडाउनच्या काळात बहुतेक स्टार्स घरातच थांबले होते. त्यामुळे या काळात अनेकांनी आपली युट्यूब चॅनल्स सुरू केली. चाहत्यांशी संपर्कात राहण्यासाठी त्याचा उपयोग होत होता. घरी केल्या जाणाऱ्या गोष्टींचे व्हिडीओ ते सतत पोस्ट करत होते. लॉकडाउनच्या सुरुवातीच्या काळात आठवड्याला एक किंवा कधी-कधी तर एक दिवसाआडही व्हिडीओ अपलोड केले जायचे. पण, हौसेनं सुरू केलेल्या या युट्यूब चॅनल्सवर ही स्टार मंडळी सध्या फारशी सक्रिय नाहीत. बॉलिवूड तारकांची वि-लॉग ट्रेंडमधली रुची थोडी कमी होताना दिसत आहे. सलमान खान, , , , डेजी शाह या स्टार्सनी स्वतःची युट्यूब चॅनल्स सुरू केली. घरच्या साफसफाईपासून व्यायामापर्यंतचे अनेक व्हिडीओ यावर पाहायला मिळू लागले. पण, आता चित्रीकरण पुन्हा सुरू झाल्यामुळे स्टार्सना म्हणावा तसा वेळ मिळत नाहीये. कदाचित येत्या काळात शूटिंगच्या ठिकाणचे व्ही-लॉग्ज पाहायला मिळण्याची शक्यता आहे. लॉकडाउनच्या सुरुवातीच्या काळात अभिनेत्री जरीन खाननं घरातली साफसफाई करतानाचा व्हिडीओ इन्स्टाग्रामवर पोस्ट केला होता. तेव्हा तिच्या फॉलोअर्सनीच, स्वतःचं युट्यूब चॅनल सुरू करण्याची कल्पना तिला सुचवली होती. लॉकडाउनदरम्यान तब्बल २२ व्हिडीओ तिनं अपलोड केले. पण, गेल्या काही दिवसांपासून ती तिच्या चॅनलवर अजिबात सक्रिय नाही. 'माझ्या आजोबांची तब्येत बरी नाही. आणि सध्या इंडस्ट्रीतही काहीसं नकारात्मक वातावरण आहे. त्यामुळे व्हिडीओ शूट केले, तरीही अपलोड करण्याची इच्छा होत नाहीय', असं जरीन सांगते. चाहत्यांकडून मागणीआपले लाडके तारे-तारका नवे व्हिडीओ अपलोड करत नसल्याचं पाहून चाहत्यांमध्ये नाराजीचं वातावरण आहे. काही दिवसांपासून त्यांना आवडत्या तारे-तारकांचे व्हिडीओ पाहण्याची सवय झाली होती. आणि कार्तिक आर्यन या दोघांनी जेव्हा आपआपल्या चॅनलवर खूप दिवसांनी नवा व्हिडीओ अपलोड केला तेव्हा, इतका उशीर का केला? असा चाहत्यांचा तक्रारीचा सूर त्यांना ऐकावा लागला होता. त्यामुळे चाहत्यांकडून स्टार्सकडे व्हिडीओची मागणी केली जातेय. संकलन - गौरी आंबेडकर
from Marathi Bollywood News, Marathi Cinema News https://ift.tt/2Imlas4
