सुरज कांबळे मराठी मनोरंजनसृष्टीतला आणि एक उत्तम अशी ओळख असलेल्या याचा आज वाढदिवस. सिद्धार्थनं अलीकडेच त्याच्या अगदी सुरुवातीच्या काळातला 'एफ्रो जॅक' हा लूक पुन्हा एकदा आणला आहे आणि या लूकमधले त्याचे फोटो मोठ्या प्रमाणात व्हायरल होत आहेत. लॉकडाउनच्या काळात त्यानं अनेक नवीन लूकचे प्रयोग केले आहेत. सिद्धू सध्या तरुणांचा स्टाईल आयकॉन बनला असून, अनेक जण त्याच्या स्टाईल स्टेटमेंट फॉलो करत आहेत. या सर्वाचं श्रेय तो त्याची स्टायलिस्ट श्वेता शिंदे आणि पत्नी तृप्ती हिला देतो. लोकांसमोर उत्तम प्रकारे स्वत:ला सादर करण्यामध्ये बायको तृप्ती आणि त्याची स्टायलिस्ट श्वेता, मेकअपमन बिपीन आणि त्याचा सहाय्यक राजू यांचा महत्त्वाचा वाटा असतो, असं तो सांगतो. साधासुधा सिद्धार्थ जाधव ते स्टाईल आयकॉन सिद्धार्थ जाधव हा प्रवास प्रेक्षकांनी पाहिला असला, तरी या सर्वांनी तो अनुभवलासुद्धा आहे. सिद्धार्थसाठी ऑक्टोबर महिना फार महत्त्वाचा आहे. कारण आज, २३ ऑक्टोबरला त्याचा वाढदिवस असतो आणि त्याच्या मोठ्या बहिणीचासुद्धा वाढदिवस याच महिन्यात असतो. २०१७ ला ऑक्टोबर महिन्यात 'फास्टर फेणे' या चित्रपटापासून सिद्धार्थच्या नव्या इनिंगला सुरुवात झाली होती. आपल्या जीवनात अशा अनेक चांगल्या गोष्टी मुख्यतः ऑक्टोबर महिन्यामध्ये घडल्या आहेत, असं तो म्हणतो. सिद्धार्थ त्याचा वाढदिवस दरवर्षी त्याच्या कॉलेजच्या मित्रांसोबत साजरा करतो. गेली जवळपास २२ वर्षं हे कॉलेजचे मित्र त्याला त्याच्या वाढदिवसाच्या निमित्तानं आवर्जून भेटतात. स्टाइल आयकॉन हे शब्द मला खरंच कधी कळले नाही. आपण काम करत राहावं, कामामुळे आपली ओळख होते एवढंच काय ते मला माहिती आहे. माझ्या मेकओव्हरमध्ये सगळी मेहनत ही तृप्ती, श्वेता, राजू आणि बिपीनची आहे. ते म्हणतात तसं मी करतो. स्वतःला ओळखणं गरजेचं आहे. त्याचबरोबर आपण जो क्षण जगतो आहोत त्याचा आनंदही घेता यायला हवा. -सिद्धार्थ जाधव
from Marathi Bollywood News, Marathi Cinema News https://ift.tt/37y5CMr
