मुंबई- सध्या त्याच्या फुफ्फुसांच्या कर्करोगावर उपचार घेत आहे. उपचारांदरम्यान तो वेळात वेळ काढून दुबईला मुलांना भेटायला गेला. काही दिवसांपूर्वी तो मुंबईत परतला. यानंतर त्याने हेअर कट केला. सध्या हेअर सलॉनमधले त्याचे अनेक फोटो आणि व्हिडिओ सोशल मीडियावर व्हायरल होत आहेत. संजयचा हा व्हिडिओ त्याचा हेअर स्टायलिस्ट मित्र आलिमने इन्स्टाग्रामवर शेअर केला. यात संजय मस्तीखोर अंदाजात दिसत आहे. हेअरस्टाईल म्हटलं ताज्या जखमेची खूण संजय दत्त या व्हिडिओमध्ये म्हणतो की, आलिमच्या वडिलांनी संजयचे वडील सुनील दत्त यांचे केस कापले होते. 'रॉकी' सिनेमासाठीही तेच हेअर स्टायलिस्ट होते. यानंतर आलिमने संजयचे केस कापायला सुरुवात केली. संजय म्हणाला की, आलिम कोणाच्याही केसांवर जे प्रयोग करू शकत नाही ते माझ्या केसांवर करतो. मी त्याचा गिनी पिग आहे. कधी केस सोनेरी करतो तर कधी लाल करतो. आत्ताची हेअर स्टाइल ही माझी ताजी जखम आहे. मी लवकर या कर्करोगातून मुक्त होईन. संजय दत्तने सुरू केलं काम- लवकर होईन बरा घराबाहेर आल्यावर आपल्याला बरं वाटलं असेही संजयने यावेळी सांगितलं. 'किती दिवस आता लॉकडाऊनमध्ये रहायचं. खूप कंटाळा आला आहे.' नव्या हेअरस्टाइलबद्दल बोलताना संजय म्हणाला की, तो केजीएफसाठी लुक बदलत आहे. यासोबतच 'शमशेरा' सिनेमाचं डबिंगही बाकी आहे. आपल्या आरोग्याबद्दल सांगताना संजय म्हणाला की तो आनंदी आहे आणि लवकरच बराही होईल. ऑगस्टमध्ये आली होती संजय दत्तच्या कर्करोगाची बातमी ऑगस्टमध्ये संजय दत्तला श्वासोच्छवासाच्या त्रासामुळे इस्पितळात दाखल करण्यात आलं होतं. तपासणीनंतर त्याला फुफ्फुसांचा कर्करोग असल्याचं समजलं. सध्या यावर त्याची केमोथेरपीही सुरू आहे.
from Marathi Bollywood News, Marathi Cinema News https://ift.tt/3425FxY
