मुंबई- आणि लवकरच आई- बाबा होणार आहेत. पुढच्या वर्षी जानेवारी महिन्यात अनुष्का बाळाला जन्म देणार आहे. दोघांनीही सोशल मीडियावर पोसेट शेअर करून चाहत्यांना ही माहिती दिली होती. दोघेही सध्या दुबईत आहेत. इंडियन प्रीमिअर लीग २०२० मध्ये विराट कोहली रॉयल चॅलेजर्स बेंगळुरूचं प्रतिनिधित्व करत आहे. दरम्यान, दुबईतला अनुष्का आणि विराटचा एक नवीन फोटो सध्या सोशल मीडियावर व्हायरल झाला आहे. विराट कोहलीने आपल्या इन्स्टाग्राम पेजवर एक फोटो शेअर केला. यात विराट आणि अनुष्का स्वीमिंग पूलमध्ये एकमेकांसोबत वेळ घालवताना दिसत आहेत. त्यांच्या प्रेमाचा साक्षी सूर्यास्तही आहे. विराट- अनुष्काचा हा रोमॅण्टिक क्षण क्रिकेटपटू एबी डिव्हिलिअर्सने टिपला आहे. स्वतः विराटने इन्स्टाग्रामला हा फोटो शेअर करताना डिव्हिलिअर्सला फोटोचं क्रेडिट दिलं आहे. आता विराट एखादा फोटो शेअर करतो आणि तो व्हायरल होणार नाही असं तर होणारच नाही. फोटोत दोघांची केमिस्ट्री दिसत आहे. बॉलिवूडच्या अनेक सेलिब्रिटींना या फोटोवर आपली प्रतिक्रिया दिली आहे. दिया मिर्झाने हार्ट इमोजी शेअर केलं तर कुणाल खेमूने 'ब्युटीफुल शॉट' अशी प्रतिक्रिया दिली. विराटसाठी स्टेडिअममध्ये गेली अनुष्का शनिवारी इंडियन प्रीमिअर लीगच्या सामन्यादरम्यान अनुष्का विराटला सपोर्ट करण्यासाठी स्टेडिअमवर गेली होती. यावेळी अनुष्काने नारंगी रंगाचा ड्रेस घातला होता. तिच्या चेहऱ्यावर गरोदरपणाची चमक स्पष्टपणे दिसत होती. अनुष्का आणि विराट दोघंही पहिल्यांदा २०१३ मध्ये एकमेकांना भेटले होते. तेव्हा एका जाहिरातीत त्यांनी एकत्र काम केलं होतं. यावेळी दोघांची चांगली मैत्री झाली आणि दोघं एकमेकांसोबत चांगला वेळ काढू लागले. लवकरच ते एकमेकांना डेटही करू लागले होते. जानेवारी २०१४ मध्ये टीम इंडिया दक्षिण आफ्रिकेच्या दौऱ्यावरून भारतात परत आली तेव्हा तिथे विराटसोबत अनुष्काही होती. तीन वर्ष एकमेकांना डेट केल्यानंतर २०१७ मध्ये दोघांनी इटलीमध्ये राजेशाही थाटात लग्न केलं.
from Marathi Bollywood News, Marathi Cinema News https://ift.tt/3lUSkNK
