मुंबई: महिला त्यांचं खरं कधीही सांगत नाही, असं म्हटलं जातं. खरं-खोटं त्यांनाच माहीत. पण, बहुतेक अभिनेत्रींच्या बाबतीत तरी हे पाहायला मिळतं. आपलं खरं वय कळलं तर आपल्याला 'आंटी' म्हटलं जाईल की काय अशी भीती त्यांना वाटत असते म्हणे. त्यामुळे या आपलं खरं वय सांगत नाही अन् समजा सांगितलंच तर ते खरं असेल याचीही खात्री देता येत नाही. त्यामागे भूमिका न मिळण्याची भीतीही असावी. अभिनेत्री हिला देखील स्वत:चं वय लपवायला आवडतं. किंबहुना गेली काही वर्ष ती स्वत:चं वय २५ असल्याचं सांगत होती. स्वरानं एका मुलाखतीत हा अनुभव सांगितला आहे. ती म्हणाली, 'मी स्वत:चं वय नेहमी एक-दोन वर्ष कमीच सांगायचे. मी २८ वर्षांचे होते तेव्हा मी केकवर २५ वा वाढदिवस असं लिहिलं होतं. त्यानंतर पुढील चार वर्ष मी २५ वर्षांची होते. पण, एक दिवस माझी चोरी पकडली गेली अन् मी २५ वर्षांची नाही हे सर्वांना कळलं. अर्थात त्याला माझे कुटुंबीयच जबाबदार होते. असो, पण महिलांना त्यांचं वय सांगायला आवडत नाही. कारण कोणी आम्हाला म्हातारं म्हणेल की काय याची भीती वाटते. आता मी ३२ वर्षांची आहे. कदाचित पुढील काही वर्ष मी ३२ वर्षांचीच राहीन.'
from Marathi Bollywood News, Marathi Cinema News https://ift.tt/2IOFH9p
