मुंबई: ड्रग्ज प्रकरणी एनसीबीनं अटक केल्यानंतर कॉमेडियन भारती सिंह आणि तिचा पती हर्ष लिंबाचीया यांना अटक केल्यानंतर आज त्यांना कोर्टात हजर करण्यात आलं. यानंतर त्यांची रवानगी न्यायलयीन कोठडीत करण्यात आली आहे. सध्या ड्रग्ज कनेक्शनमुळे चर्चेत आली आहे. नारकोटिक्स कंट्रोल ब्युरोने (एनसीबी) भारतीच्या घरावर छापा टाकला असता त्यांना तेथून मिळाल्यानं टीव्ही सृष्टीत खळबळ उडाली आहे. १४ दिवसांची न्यायलयीन कोठडी भारती आणि हर्ष या दोघांनाही १४ दिवसांची न्यायालयीन कोठडी सुनावण्यात आली असून दोघांनीही जामीनासाठी अर्ज दाखल केल्याची माहिती आहे.उद्या सुनावणीकोर्टानं दिेलेल्या निर्णयानंतर हर्ष आणि भारती यांनी जामीनासाठी अर्ज दाखल केले असून यावर उद्या म्हणजेच सोमवारी सुनावणी होणार आहे.भारती आणि हर्ष दोघांनी देखील ड्रग्जचं सेवन करत असल्याची कबुली दिली आहे. त्यामुळं त्यांच्या अडचणी वाढल्या आहेत. आज दोघांचीही वैद्यकीय चाचणी करण्यात आली असून आज त्यांना कोर्टासमोर हजर करण्यात आलं. काय आहे प्रकरण? गेल्या काही दिवसांपासून एनसीबीनं सिनेसृष्टीतील अनेक कलाकारांच्या घरावर छापे टाकत धडक कारवाई केली आहे. ड्रग्ज पेडलर्सच्या चौकशीदरम्यान भारती आणि तिच्या पतीचं नाव समोर आल्यानंतर एनसीबीनं त्यांच्या घरावर छापा टाकला. या छाप्यात त्यांना भारतीच्या घरातून ८५.५ ग्रॅम गांजा जप्त करण्यात आला. यानंतर त्यानं एनसीबीनं समन्स बजावलं होतं. अनेक तास दोघांची चौकशी करण्यात आली. चौकशीनंतर दोघांनीही गांजाचं सेवन करत असल्याची कबुली दिली. यानंतर दोघांनाही अटक करण्यात आली आहे.
from Marathi Bollywood News, Marathi Cinema News https://ift.tt/396WTRV
