धर्मशाला- बॉलिवूडसाठी २०२० हे वर्ष फारसं चांगलं नाही. या वर्षात बॉलिवूडने अनेक दिग्गज कलाकारांना कायमचं गमावलं. अभिनेते यांच्या निधनाची बातमी समोर आली आहे. आसिफ यांनी हिमाचल प्रदेशमधील कांगडा जिल्ह्यातील धर्मशाला येथे गळफास लावून आत्महत्या केली. त्यांनी मॅक्लोडगंज येथील जोगिबाडा रोड स्थित एका कॅफेच्या शेजारी आत्महत्या केली. कांगडाचे एसपी विमुक्त रंजन यांनी या वृत्ताला दुजोरा दिला आहे. आसिफ यांनी एवढं टोकाचं पाऊल का उचललं याबद्दल कोणतीही माहिती मिळू शकलेली नाही. पोलीस सध्या या प्रकरणाचा तपास करत आहेत. पोलिसांना तपासात मिळालेल्या माहितीनुसार आसिफ हे आपल्या परदेशी मैत्रिणीसोबत धर्मशाला येथे एका भाड्याच्या घरात राहत होते. असं सांगितलं जात आहे की गुरुवारी दुपारी आसिफ आपल्या पाळीव कुत्र्यावर फिरायला घेऊन गेले होते. कुत्र्याला फिरवून आणल्यानंतर ते घरी परतले आणि नंतर त्याच पट्ट्याला लटकून त्यांनी गळफास लावून घेतला. सुरुवातीच्या तपासात या प्रकरणाला आत्महत्या असल्याचं म्हटलं आहे. प्राथमिक तपासात आसिफ नैराश्यग्रस्त असल्याचं म्हटलं जात आहे. आसिफ बसरा यांनी 'परजानियां', 'ब्लैक फ्राईडे', 'वन्स अपॉन ए टाइम इन मुंबई', 'क्रिश ३', 'एक विलन', 'मंजुनाथ', 'जब वी मेट' या सिनेमात काम केलं आहे. याशिवाय त्यांनी अनेक टीव्ही मालिकांमध्येही काम केलं आहे.
from Marathi Bollywood News, Marathi Cinema News https://ift.tt/3koa2Ix
