मुंबई- सुशांतसिंह राजपूत याच्या मृत्यूच्या चौकशीत समोर आलेल्या ड्रग्ज कनेक्शन प्रकरणी नारकोटिक्स कण्ट्रोल ब्यूरोने () टॅलेन्ट एजन्सी क्वानची कर्मचारी हिला सातत्याने चौकशीचे समन्स बजावले. दरम्यान, करिश्माने काही दिवसांपूर्वीच एजन्सी सोडल्याची माहिती आता समोर आली आहे. सूत्रांकडून मिळालेल्या माहितीनुसार, करिश्मा यापुढे या एजन्सीची कर्मचारी नाही. करिश्मा गेल्या काही महिन्यांपासून क्वान या टेलॅन्ट एजन्सीसाठी ज्युनिअर मॅनेजर म्हणून काम करत होती. व्यतिरिक्त इतर सेलिब्रिटींचंही ती काम पाहत होती. एनसीबीने ड्रग्ज प्रकरणात अनेक सेलिब्रिटींची चौकशी केली. यात दीपिका पादुकोण, श्रद्धा कपूर, सारा अली खान आणि रकुलप्रीत सिंग यांचीही चौकशी करण्यात आली. त्याआधी एनसीबीने दीपिकाची मॅनेजर करिश्माची विशेष चौकशी केली होती. काही दिवसांनी एनसीबीने दुसऱ्यांदा करिश्माला चौकशीसाठी समन्स पाठवला असता तिच्याकडून कोणताही प्रतिसाद मिळाला नाही. तसेच ती चौकशीसाठीही हजर राहिली नाही. करिश्माने दीपिकासाठी काम करणं बंद केल्याचीही माहिती आता समोर आली आहे. सूत्रांनी सांगितले की करिश्माने २१ ऑक्टोबर रोजीच एजन्सीला राजीनामा दिला. राजीनामा देण्याआधी तिने कोणतीही पूर्वकल्पना दिली नाही किंवा नोटीसही दिली नाही. एजन्सीमध्ये असताना तिने दीपिकाशिवाय इतर सेलिब्रिटींसाठीही काम केलं. असं असलं तरी ती आता या एजन्सीचा भाग नसल्यामुळे ती आता कोणत्याच कलाकाराचं काम पाहत नाही. करिश्माची पुन्हा चौकशी करण्यासाठी एनसीबीने तिला दोनदा बोलावलं. ड्रग्ज प्रकरणात एनसीबीचा तपास अजूनही सुरुच आहे. दरम्यान, शकून बत्राच्या आगामी सिनेमाचं चित्रीकरण संपवून दीपिका पादुकोण नुकतीच मुंबईत परतली. सोमवारी संध्याकाळी दीपिकाला तिचा सहकलाकार सिद्धांत चतुर्वेदी आणि अनन्या पांडेसोबत विमानतळावर पाहण्यात आलं. काही आठवड्यांपूर्वी दीपिका सिनेमाच्या चित्रीकरणासाठी गोव्यात गेली होती. त्याचवेळी एनसीबीने तिला पुन्हा मुंबईत चौकशीसाठी बोलावलं होतं. शकून बत्रा दिग्दर्शित या सिनेमाचं नाव अजून निश्चित करण्यात आलेलं नाही. या सिनेमाचं चित्रीकरण श्रीलंकेत होणार होतं. पण करोनाच्या प्रादुर्भावामुळे आंतरराष्ट्रीय प्रवास अजूनही बंदच आहेत. यामुळेच करण जोहर निर्मित या सिनेमाचं चित्रीकरण गोव्यात करण्यात आलं.
from Marathi Bollywood News, Marathi Cinema News https://ift.tt/2HZXdqD
