मनाली- कंगना रणौतने तिचा भाऊ अक्षतच्या लग्नाचा आणखी एक व्हिडिओ शेअर केला आहे. ज्यामध्ये अभिनेत्री तिच्या निळ्या लेहंगामध्ये नाचताना दिसत आहे. कंगनाने हा सुंदर व्हिडिओ शेअर करताना चाहत्यांना सांगितलं की, हा लेहंगा तयार करायला कारागिरांना तब्बल १४ महिने लागले या व्हिडिओमध्ये कंगना आपल्या भावाच्या लग्नासाठी पूर्ण तयार होताना दिसत आहे. कंगनाने आपल्या आउटफिटबद्दल माहिती देताना लिहिले की, 'माझ्या लेहंगाबद्दल विचारणाऱ्या सगळ्यांना मी सांगू इच्छिते की हा एक गुजराती बांधनी लेहंगा आहे. हा लेहंगा तयार करण्यास सुमारे १४ महिने लागले.' यासोबतच तिने आउटफिट डिझायनर (अनुराधा वाकिल) आणि ज्वेलरी डिझायनर सब्यसाची यांचेही भरभरून कौतुक केलं. फोक डान्सरसोबत कंगनाचा डान्स कंगना रनौतचा भाऊ अक्षतने राजेशाही थाटात लग्न केलं. त्याच्या लग्नात दोन्ही बहिणी कंगना आणि रंगोली यांनी भावाच्या लग्नातील सर्व विधींचा मनमुरादपणे आनंद घेतला. अक्षतच्या आई- वडिलांनीही डीजेच्या तालावर ठेका धरल्याचे व्हिडिओ सोशल मीडियावर व्हायरल झाले. राजस्थानी फोक डान्सरसोबत रणौत कुटुंबाच्या डान्सची सध्या चर्चा होत आहे. यात कंगनाचा पुतण्या पृथ्वीराजसुद्धा दिसत आहे. या लग्नासाठी कंगनाने सुमारे ६ कोटी रुपये खर्च केल्याची बातमी आहे. या लग्नात कंगनाने तिच्या खासगी दागिन्यांवर ४५ लाखांहून अधिक रुपये खर्च केले. तर कपड्यांवर सुमारे १८ लाख रुपयांहून अधिक खर्च केले आहेत. कंगनाचा भाऊ अक्षतने उदयपुरात लग्न केलं. या लग्नाचे अनेक फोटो आणि व्हिडिओ सध्या सोशल मीडियावर व्हायरल होत आहेत. कंगनाने तिच्या भावाच्या लग्नात खूप मजा- मस्ती केली. कंगना आणि तिची बहीण रंगोलीने 'पधारो म्हारो देस' गाण्यावरही मनमुराद नाच केला.
from Marathi Bollywood News, Marathi Cinema News https://ift.tt/2K3FX4y
