मुंबई- सोशल मीडियावर फारसा सक्रिय नसतो पण जेव्हाही तो काही शेअर करतो त्या फोटोची किंवा व्हिडिओची चर्चा होतेच. यावेळी त्याने पुन्हा एकदा आपला माचो अवतार त्याच्या चाहत्यांना दाखवला आहे. यात सलमान घोड्यावर शर्टलेस बसलेला दिसत आहे. सलमान खानने त्याच्या कपड्यांच्या ब्रँडच्या प्रमोशनचा हा फोटो शेअर केला आहे. विशेष म्हणजे आपल्या ब्रँडच्या विन्टर सीझनच्या कपड्यांसाठी सलमानने हे खास फोटोशूट केलं होतं. विन्टर सीझनच्या फोटोशूटमध्ये सलमान स्वतः शर्टलेस होता. सलमानच्या फार्महाऊसवरील या फोटोत त्याच्या फिट बॉडीवरून चाहत्यांची नजर हटत नाही. चाहत्यांनी या फोटोवर अनेक कमेन्टही केल्या आहेत. एका चाहत्याने लिहिले की, हा फिटनेस पाहून सलमान ५४ वर्षांचा आहे यावर विश्वास बत नाही. काहींनी माशाअल्लाह लिहिले आहे तर काहींनी लव्ह यू सलमान लिहून त्याच्यासाठीचं प्रेम व्यक्त केलं. यापूर्वी सलमान खानने दिवाळीनिमित्त चाहत्यांना शुभेच्छा देणारा एक फोटो शेअर केला होता. सलमानने नुकताच त्याच्या आगामी ‘राधे’ सिनेमाचं चित्रीकरण पूर्ण केलं आहे. या सिनेमात सलमान खानसह दिशा पाटनी, रणदीप हूड्डा आणि जॅकी श्रॉफ यांच्याही महत्त्वपूर्ण भूमिका आहेत. करोनाचा धोका लक्षात घेता सेटवर महत्त्वपूर्ण गोष्टींकडे विशेष लक्ष देण्यात आलं होतं. चित्रीकरण काळात कोणत्याही सदस्याला बाहेरील व्यक्तीला भेटण्याची परवानगी देण्यात आली नाही. सलमान स्वतः सेटवर पूर्ण सावधगिरी बाळगण्याबाबत आग्रही होता. त्याच्या सल्ल्यानुसार, सेटवर एक डॉक्टर आणि एक विशेष वैद्यकीय टीमही उपस्थित होती.
from Marathi Bollywood News, Marathi Cinema News https://ift.tt/3nBhWjP
