मुंबई- 'बाहुबली' या सुपरहिट सिनेमात भल्लालदेवची भूमिका साकारल्यानंतर तेलगू सुपरस्टार राणा डग्गुबतीला केवळ भारतातच नाही तर आंतरराष्ट्रीय स्तरावरही ओळख मिळाली. दरम्यान राणा याने आपल्या प्रकृतीबद्दल एका मुलाखतीत खुलासा केला. राणा म्हणाला की एक काळ असा होता की त्याच्या जीवाला धोका होता. समंथा अक्किनेनीच्या चॅट शोमध्ये राणाने या सर्व गोष्टी सांगितल्या. राणाचा अनुभव ऐकून समंथासह उपस्थित सारेच भावुक झाले. एका चॅट शोमध्ये राणाने पहिल्यांदा त्यांच्या तब्येतीबद्दल खुलासा केला. राणा म्हणाला की, 'जेव्हा तुमचं आयुष्य वेगाने पुढे जात असतं तेव्हाच अचानक एक ब्रेक लागतो. मला बीपी होता, हृदयाभोवती कॅल्सीफिकेशन होते आणि मूत्रपिंडही कमी काम करायला लागलं होतं. अशापरिस्थितीत ७० टक्के शक्यता ही हॅमरेजची होती तर ३० टक्के शक्यता ही माझा मृत्यू होण्याची होती. पाहा व्हिडिओ- गेल्या वर्षी जुलैमध्ये यांचा एक फोटो सोशल मीडियावर व्हायरल झाला होता, यात तो फार कमकुवत आणि आजारी दिसला होता. असं म्हटलं जातं की, राणाने मूत्रपिंड प्रत्यारोपण केलं होतं, पण राणाने स्वत: हे नाकारलं. राणा डग्गुबतीचा 'हाथी मेरे साथी' सिनेमा पुढील वर्षी मकर संक्रांतीला प्रदर्शित होणार आहे. हा सिनेमा बर्‍याच भाषांमध्ये तयार करण्यात आला असून यात राणा व्यतिरिक्त पुलकित सम्राट, श्रिया पिळगावकर आणि झोया हुसेन यांच्याही प्रमुख भूमिका आहेत.
from Marathi Bollywood News, Marathi Cinema News https://ift.tt/2UTueHI
