मुंबई- फोर्ब्सच्या यादीनुसार अक्षय कुमारने यावर्षी सुमारे ३६२ कोटी रुपयांची कमाई केली आहे. यावर्षी पहिल्यांदा अक्षयचा ‘लक्ष्मी’ हा सिनेमा ओटीटी प्लॅटफॉर्मवर प्रदर्शित झाला. कमाईच्या बाबतीत जगभरातील कलाकारांच्या यादीत अक्षय सहाव्या क्रमांकावर आहे. सुपरस्टार यावर्षी या यादीत बॉलिवूडमध्ये दुसर्‍या क्रमांकावर आहे. २०२० मध्ये सलमानचा एकही सिनेमा प्रदर्शित झालेला नाही. सलमानचा 'राधे: युवर मोस्ट वॉण्टेड भाई' हा सिनेमा यावर्षी प्रदर्शित होणार होता पण करोनामुळे त्याचं प्रदर्शन लांबणीवर पडलं. असं असलं तरी यंदा सलमानने बिग बॉसच्या १४ व्या सीझनसाठी भलीमोठी रक्कम आकारली असल्याचं म्हटलं जात आहे. शाहरुख खानचं नाव जगातील सर्वात श्रीमंत अभिनेत्यांमध्ये आवर्जुन घेतलं जातं. पण गेल्या दोन वर्षांमध्ये त्याचा एकही सिनेमा प्रदर्शित झाला नाही. असं असलं तरी त्याच्या प्रॉडक्शन हाऊसने अनेक सिनेमे आणि वेब सीरिजची निर्मिती केली. आता शाहरुखने त्याच्या आगामी ‘पठाण’ सिनेमाच्या चित्रीकरणाला सुरुवात केली असून यामध्ये दीपिका पादुकोण आणि जॉन अब्राहम यांच्याही महत्त्वपूर्ण भूमिका यात असणार आहेत. तसं पाहायला गेलं तर आमिर खान वर्षाला एकच सिनेमा करतो. यावर्षी आमिरचा एकही सिनेमा प्रदर्शित झाला नाही. सध्या तो त्याच्या आगामी 'लालसिंग चड्ढा' सिनेमाच्या चित्रीकरणात व्यग्र आहे. हा सिनेमा ऑस्कर-विजेता 'फॉरेस्ट गंप' या सिनेमाचं अधिकृत हिंदीत रूपांतर आहे. या सिनेमात त्याच्यासोबत करिना कपूर- खानही दिसणार आहे. यावर्षीचा सुमारे ३०० कोटींची कमाई करणारा सुपरहिट सिनेमा अजय देवगणने दिला. 'तान्हाजी: द अनसंग वॉरिअर' हा त्याचा सिनेमा वर्षाच्या सुरुवातीलाच प्रदर्शित झाला होता. कमाईच्या बाबतीत, यंदा अजय देवगन बॉलिवूडमध्ये पाचव्या क्रमांकावर आहे. फोर्ब्सच्या या यादीमध्ये 'द रॉक' म्हणून ओळखला जाणारा ड्वेन जॉन्सन अव्वल स्थानावर आहेत. २०२० मध्ये त्याने ८७.५ दशलक्ष डॉलर्सची कमाई केली आहे. प्रसिद्ध हॉलीवूड अभिनेता रायन रेनॉल्ड हा यंदाच्या वर्षी फोर्ब्सच्या यादीत दुसऱ्या स्थानावर आहे त्याने ७१.५ दशलक्ष डॉलर्सची कमाई केली आहे.
from Marathi Bollywood News, Marathi Cinema News https://ift.tt/3mgTPq4
