मुंबई- अभिनेता याला '' सिनेमामुळे देशभरात ओळख मिळाली. आता फक्त कन्नड सिनेसृष्टीतच नाही तर देशभरातील सिनेप्रेमींचा तो स्टार झाला आहे. यश विवाहित असून दोन मुलांचा बाबाही आहे. यशने अभिनेत्री राधिका पंडितशी लग्न केलं. दोघांचे अनेक फोटो सोशल मीडियावर सतत व्हायरल होत असतात. त्यांच्या चाहत्यांना यशच्या कुटुंबाबद्दल जाणून घेण्याची सर्वाधिक उत्सुकता असते. नुकताच यशचा मुलगा यथर्वचा पहिला वाढदिवस साजरा करण्यात आला. अगदी राजेशाही थाटात हा वाढदिवस साजरा केला गेला. ३० ऑक्टोबरला यश आणि राधिकाचा मुलगा यथर्वचा वाढदिवस होता. त्याच्या वाढदिवसाच्या आठवड्याभरानंतर, राधिकाने तिच्या इन्स्टाग्राम अकाउंटवर त्याच्या बर्थडे सेलिब्रेशनचा एक व्हिडिओ शेअर केला. याशिवाय सोशल मीडियावर यथर्वच्या वाढदिवसाचे अनेक फोटोही व्हायरल झाले. मुलाच्या पहिल्या वाढदिवसाला यशने यॉर्टवर राजेशाही पार्टी दिली होती. या पार्टीत अभिनेत्याच्या कुटुंबातील सदस्य आणि जवळचे काही मित्र उपस्थित होते. यावेळी समुद्राच्या मध्यभागी यॉर्ट नेऊन केक कापण्यात आला. दिवसभर ही पार्टी करण्यात आली. सकाळपासून रात्रीपर्यंतचा संपूर्ण कार्यक्रम या दीड मिनिटांच्या व्हिडिओमध्ये दाखवण्यात आला. यश आणि राधिकाला एक मोठी मुलगी आहे. मुलीचं नाव आर्या यश आहे. कन्नड सिनेमाचा सुपरस्टार यशने कन्नड सिनेमांची अभिनेत्री राधिकाशी २०१६ मध्ये लग्न केलं. २०१८ मध्ये त्यांना पहिली मुलगी आर्या झाली. यशचं मूळ नाव नवीन कुमार गौडा असं आहे. यशने आपल्या करिअरची सुरुवात मोगीना मनसु (Moggina Manasu) (२००८) या सिनेमातून केली. यशसोबत या सिनेमात राधिकानेही काम केलं होतं. याच सिनेमाच्या चित्रीकरणावेळी दोघांची ओळख झाली. यशने राजाधानी, मिस्टर अँड मिसेस रामाचारी आणि किराटका या सिनेमांमध्येही काम केलं. पण त्याला खरी ओळख केजीएफ चॅप्टर १ या सिनेमातून मिळाली.
from Marathi Bollywood News, Marathi Cinema News https://ift.tt/36cEOis
