मुंबई: सिनेसृष्टीतील प्रसिद्ध मामा -भाचे यांच्यातलं भांडण काही केल्या संपण्याचं नाव घेत नाहीए. आणि यांच्यातील वाद गेल्या काही दिवसांपासून चर्चेचा विषय ठरत आहे. काही दिवसांपूर्वी टीव्हीवरचा लोकप्रिय कॉमेडी शो ''मध्ये गोविंदा यांनी हजेरी लावली होती. मात्र या भागात शोचा सध्याचा हुकुमी एक्का मानला जाणारा कॉमेडियन कृष्णा अभिषेक गायब होता. याचं कारण मामा-भाच्यातलं वैर होतं हे सर्वांनाच समजलं. कृष्णाचे मामा गोविंदाबरोबरचे संबंध बिघडले आहेत. त्यामुळे त्यानं गैरहजर राहणं पसंत केलं होतं. यानंतर कृष्णा आणि गोविंदा यांना एकमेकांवर आरोप प्रत्यारोप केले आहेत. नुकत्याच दिलेल्या एका मुलाखतीत कृष्णानं गोविंदासोबतच्या भांडणावर भाष्य केलं होतं. 'मी आमच्यातलं भांडण मिटवण्याचा पूर्ण प्रयत्न केला, पण तो अयशस्वी ठरला, त्यामुळं मी तो नाद सोडून दिला', असं कृष्णानं म्हटलं होतं. यावर गोविंदा यांना प्रतिक्रिया देत कृष्णाला एक सल्ला देखील दिला आहे. घरातील वाद अशा प्रकारे चव्हाट्यावर आणण्यापेक्षा एकत्र बसून सोडवले असते तर बरं झालं असतं, असा सल्ला गोविंदा यांना कृष्णाला दिला आहे. तसंच कृष्णा माझी प्रतिमा खराब करण्याचा प्रयत्न करतोय, असंही गोविंदा यांनी म्हटलं आहे. कृष्णाचा गोविंदा यांच्यावर आहे 'हा'आरोप माझी मुलं हॉस्पिटलमध्ये होती, त्यांची तब्येत नाजूक असतानाही गोविंदा त्यांना भेटायला आले नाहीत, असा आरोप कृष्णानं केला आहे. गोविंदा यांनी दिलं स्पष्टीकरण कृष्णाची मुलं हॉस्पिटलमध्ये अॅडमीट असताना आम्ही सर्व त्यांना भेटायला गेलो होता, असं गोविंदा यांनी म्हटलं आगे. डॉक्टर आणि नर्स यांच्याकडं मुलांबद्दल विचारपूस केली होती. बाळाच्या आईनं म्हणजेच कृष्णाच्या पत्नीनं आमच्यापैकी कोणालाच बाळाला भेटू देऊ नका, असं सांगितंल होतं त्यामुळं आम्ही तिथून निघालो. तसंच या घटनेनंतर कृष्णा त्याच्या बहिणीसोबत घरी आला होता, असं गोविंदा यांनी म्हटलं आहे.
from Marathi Bollywood News, Marathi Cinema News https://ift.tt/2UOCuZM
