मुंबई- सुशांतसिंह राजपूतच्या मृत्यू प्रकरणात ड्रग्ज अँगल समोर आल्यानंतर नारकोटिक्स कण्ट्रोल ब्यूरोने या प्रकरणाची चौकशी करायला सुरुवात केली. दरम्यान चौकशीत आणि तिची व्यवस्थापक यांचीही चौकशी करण्यात आली. दोघींचे ड्रग्जसंबंधीचे चॅट समोर आले होते. एकदा चौकशी झाल्यानंतर एनसीबीने करिश्माला पुन्हा एकदा चौकशीसाठी बोलावले होते. पण आता करिश्मा कुठे आहे हे कोणालाही माहीत नसल्याचं अधिकाऱ्यांनी सांगितलं. एनसीबीच्या अधिकाऱ्यांनी सांगितलं की, हे खरं आहे की करिश्मा प्रकाश सध्या कुठे आहे याबद्दल कोणालाही काही माहीत नाही. तिच्याशी कोणताही संपर्क होत नसून चौकशीचा समन्स देऊनही ती हजर राहिली नाही. करिश्माला एनसीबीने २७ ऑक्टोबर रोजी चौकशीसाठी हजर राहण्यास सांगितलं होतं. करिश्माच्या घरी एनसीबीने छापा टाकला असता त्यांना १.७ ग्रॅम चरस आणि सीबीडी तेलाच्या काही बाटल्या मिळाल्या. यापूर्वी करिश्माने शनिवारी मुंबईच्या विशेष एनडीपीएस न्यायालयात अटकपूर्व जामिनासाठी अर्जही दाखल केला होता. दीपिका पादुकोण व्यतिरिक्त श्रद्धा कपूर, सारा अली खान आणि रकुलप्रीत सिंग यांचीही ड्रग चॅट प्रकरणात एनसीबीने चौकशी केली होती.
from Marathi Bollywood News, Marathi Cinema News https://ift.tt/2JuNtFi
