मुंबई- अक्षय कुमारने दिवाळीचं औचित्य साधून त्याच्या आगामी सिनेमाची घोषणा केली. त्याने आपल्या नव्या या सिनेमाचं फर्स्ट लुक शेअर केलं. ट्विटरवर सिनेमाची घोषणा करताना अक्षयने चाहत्यांना दीपावलीच्या शुभेच्छाही दिल्या. पोस्टरमध्ये अक्षय एका प्रवाशाची भूमिका साकारताना दिसत आहे, तर त्याच्या मागे श्रीरामाची प्रतिमा आहे. सिनेमात अक्षयचा लुकही बदललेला आहे. यावेळी तो लांब केसांमध्ये दिसणार आहे. ट्विटरवर सिनेमाचं पोस्ट शेअर करताना अक्षयने लिहिले की, 'या दिवाळीला भारत राष्ट्राचे आदर्श आणि महानायक श्रीरामाचे रक्षण करणारा पूल आणि भगवान श्रीरामाच्या आठवणींना युगानूयुगं लक्षात ठेवण्यासाठी एक असा सेतू बनवू जो येणाऱ्या पिढींना रामाशी जोडेल. या प्रयत्नात आमचाही एक छोटासा संकल्प. राम सेतु. आपणा सर्वांना दिवाळीच्या हार्दिक शुभेच्छा.' अक्षयच्या 'लक्ष्मी'ने केला अनोखा विक्रम अक्षय कुमारने हिंदी आणि इंग्रजी भाषेत सिनेमाचे दोन पोस्टर शेअर केले. साहजिकच पोस्टरमुळे अक्षयच्या आगामी सिनेमाची उत्सुकता वाढली आहे. दरम्यान, त्याचा 'लक्ष्मी' सिनेमा नोव्हेंबरमध्ये ओटीटीवर प्रदर्शित झाला होता. या सिनेमाने ओटीटी प्लॅटफॉर्मवर एका दिवसात सर्वाधिक पाहिल्या गेलेल्या सिनेमाचा विक्रम मोडला आहे. यापूर्वी हा विक्रम सुशांतसिंह राजपूतच्या 'दिल बेचार' सिनेमाच्या नावावर होता. 'बेल बॉटम' सिनेमाचं चित्रीकरण पूर्ण याशिवाय अक्षय कुमारच्या आगामी सिनेमांबद्दल बोलायचे झाले तर त्याचा 'बेल बॉटम' सिनेमाचं चित्रीकरणही पूर्ण झालेलं आहे. नुकतंच याच चित्रीकरण स्कॉटलंडमध्ये करण्यात आलं होतं. करोना संसर्गामुळे सिनेमाचं शूटिंग थांबविण्यात आलं होतं. या सिनेमात अक्षय कुमारसोबत वाणी कपूर, हुमा कुरेशी आणि लारा दत्तादेखील आहेत. मानुषीसोबत 'पृथ्वीराज' चं शूटिंग याशिवाय सध्या अक्षय कुमारने पृथ्वीराज या सिनेमाचंही चित्रीकरण सुरू केलं आहे. या सिनेमात त्याच्यासोबत मिस वर्ल्ड मानुषी छिल्लर असणार आहे. या सिनेमातून मानुषी बॉलिवूडमध्ये पदार्पण करत आहे.
from Marathi Bollywood News, Marathi Cinema News https://ift.tt/3kuQHW0
