मुंबई: विरुष्का ,सैफीनानंतर अनेकांनी गुडन्यूज शेअर केल्यानंतर मराठी सिनेसृष्टीतील अनेक प्रसिद्ध सेलिब्रिटींनी गोड बातमी शेअर केली आहे. या यादीत अभिनेता याच्या नावाचा देखील समावेश झालाय. शशांक लवकरच बाबा होणार असून ख्रिसमसचा खास दिवस पाहून त्यानं ही गोड बातमी चाहत्यांसोबत शेअर केली आहे. शशांकनं पत्नी प्रियांकासोबतचा एक फोटो शेअर केलाय. या फोटोला त्यानं छान असं एक कॅप्शनही दिलं आहे. 'आम्हाला हे माहिती होतं की, सॅन्टा येतो आणि गिफ्ट्सचा वर्षाव करतो. आम्हाला हे माहित नव्हतं की, आम्हालाही एक छान गिफ्ट मिळे. या गिफ्टसाठी आभारी आहोत. आम्हा तिघांकडूनही हॉलिडे सीझनच्या शुभेच्छा'.असं शशांकनं त्याच्या फोटोच्या कॅप्शनमध्ये लिहिलं आहे. शशांकनं ही पोस्ट शेअर केल्यानंतर चाहत्यांसोबतच इतर सेलिब्रिटींनी देखील त्याच्यावर अभिनंदानाचा वर्षाव केला आहे. शशांक आणि प्रियांका हे मराठी सिनेसृष्टीतील एक क्यूट कपल म्हणून ओळखलं जातं. त्याचे अनेक फॅन पेजेसही आहेत. ‘होणार सून मी ह्या घरची’ मालिकेतून घराघरात पोहोचलेला 'श्री' अर्थात, शशांक केतकर आणि यांनी २०१७मध्ये पुण्यात लग्न केलं. व्यवसायानं वकील असलेली प्रियांका आणि शशांक गेली अनेक वर्ष एकमेकांना ओळखतात. २०१७मध्येच एप्रिल महिन्यात त्यांचा साखरपुडा झाला होता. 'होणार सून मी या घरची' मालिकेत त्याच्या पत्नीची भूमिका करणाऱ्या तेजश्री प्रधानसोबत दोन वर्षांपूर्वी शशांकचे लग्न झाले होते. मात्र, त्यांचा संसार फार काळ टिकला नाही. लग्नानंतर वर्षभरातच ते दोघे वेगळे झाले होते.
from Marathi Bollywood News, Marathi Cinema News https://ift.tt/3mIusgs