मुंबई: कलाकारांसाठी ट्रोलिंग काही नवीन नाही. पण, त्याला सडेतोड उत्तर देणारे काही मोजकेच असतात. त्यापैकी एक म्हणजे अभिनेत्री . तिनं आजवर अनेकदा ट्रोलिंगचा सामना केला आहे. हल्ली तर तिला सहज टार्गेट केलं जातं. तिचा पूर्वाश्रमीचा प्रियकर दिवंगत अभिनेता याच्या मृत्यूनंतर तर तिच्यावर या ना त्या कारणानं टीका होतच असते. हेच तिनं पुन्हा एकदा अनुभवलं. यावेळी तिनंही ट्रोलर्सला प्रत्युत्तर दिलं आहे. नुकतंच तिनं आपल्या वाढदिवसानिमित्त एका खास पार्टीचं आयोजन केलं होतं. या पार्टीचे व्हिडीओ तिनं सोशल मीडियावर देखील शेअर केले होते. पण, हे व्हिडीओ पाहून काही नेटकरी संतापले. सुशांतच्या मृत्यूचं दु:ख तुला नाही का? असा सवाल करत तिला जोरदार ट्रोल करण्यात आलं. 'काही प्रश्नांची उत्तर केवळ शांत राहून दिली जातात. शांत राहणं हे सर्वोत्तम उत्तर आहे', अशा आशयाची इन्स्टाग्राम पोस्ट लिहून अंकितानं ट्रोलर्सला सडेतोड उत्तर दिलं आहे. दरम्यान, अंकिताच्या पार्टीत निर्माता संदीप सिंह यानं देखील हजेरी लावली होती. सुशांतच्या निधनानंतर संदीप चर्चेत आला आहे. नेटकऱ्यांनी त्याच्यावर अनेक आरोप लावले आहेत. त्यामुळं पार्टीत त्याला पाहिल्यानंतर सुशांतच्या चाहत्यांनी अंकिताला चांगलेच खडेबोल सुनावले आहेत. कोण आहे संदीप सिंह?टीव्ही मालिकांमध्ये काम करत असताना अंकिता, सुशांत आणि संदीप हे तिघं एकत्र राहत होते. त्यानंतर मात्र सुशांत आणि संदीप यांच्या जास्त संपर्क होत नव्हता.संदीपच्या कॉल डिटेल्सवरून कळालं होतं की सुशांतच्या मृत्यूच्याआघी जवळपास १० महिन्यांमध्ये दोघांचा एकमेकांशी कोणताही संपर्क नव्हता. दोघंही १ सप्टेंबर २०१९ रोजी शेवटचं बोलले होते. असं असलं तरी सुशांतच्या मृत्यूनंतर सर्व गोष्टींमध्ये संदीपनेच पुढाकार घेतलेला दिसला. दरम्यान, संदीपचा एक व्हिडिओही समोर आला होता.यात तो सुशांतचा मृतदेह घेऊन जाणाऱ्या पोलिसांना आणि रुग्णवाहिकेली थम्स-अप करताना दिसत होता.
from Marathi Bollywood News, Marathi Cinema News https://ift.tt/3aHvyH2