संपदा जोशी सध्या मालिकांमध्ये 'दोघात तिसरा' हा ट्रेंड बघायला मिळतोय. आता हा दोघात तिसरा कोण आहे? असा प्रश्न तुम्हाला पडला असेल. तर तो तिसरा म्हणजे छोटा पाहुणा आहे. काही मालिकांमध्ये नव्या पाहुण्याची चाहूल लागली आहे. यानिमित्तानं नायिकांची घेतली जाणारी काळजी आणि मालिकांमधले संवाद या सगळ्यातून महिला वर्गाला टिप्सही मिळत आहेत. '' मालिकेत लष्करेंच्या घरात छोट्या पाहुण्याची चाहूल लागलीय. सिद्धीकडे गोड बातमी असल्याचं नुकतंच सगळ्यांना समजलंय. त्यामुळे सिद्धीची काळजी घेण्याकडे सर्वांचा कल आहे. ''मध्ये शर्वरीची वहिनी म्हणजेच ऋचा गरोदर आहे असं दाखवण्यात आलंय. घरात तणावपूर्ण परिस्थिती असतानाही ऋचाचं संपूर्ण कुटुंब तिची काळजी घेताना दिसतंय. 'माझ्या नवऱ्याची बायको'मधली जेनी लवकरच आई होणार आहे. तिचा नवरा, राधिका, शनाया, सौमित्र तिच्या चेक अपच्या वेळा, तिचं खाणं-पिणं कसं सांभाळतायत हे मालिकेत बघायला मिळतंय. 'राजा रानीची गं जोडी'मधील संजीवनी गरोदर होती, पण तिचं ॲबॉर्शन झाल्याचं दाखवण्यात आलं. हा मराठी मालिकांमधला ट्रेंड हिंदीमध्येही पाहायला मिळतोय. हिंदीमध्ये तर '' मालिकेची गोष्टच या ट्रेंडवर आहे. हा ट्रेंड जुन्या मालिकांमध्ये खूप गाजलाय. प्रेक्षकांनी 'होणार सून मी या घरची' मालिकेतील जान्हवीचा आई होण्याचा प्रवास अगदी नऊ महिने एन्जॉय केला. मालिकांमधील नायिका गरोदर असण्याच्या ट्रेंडनुसार संवाद वळवण्यात आले आहेत. म्हणजेच ते गरोदर महिलांची काळजी घेणारे आहेत. या नाजूक दिवसांत महिलांना कसं जपावं, त्यांची काळजी कशी घ्यायला हवी या सगळ्या गोष्टी संवादांमधून प्रेक्षकांपर्यंत पोहोचतायत. मालिकेत जेव्हा गरोदरपणाचा ट्रॅक सुरू होतो तेव्हा त्या अनुषंगानं लिहिणं ही एक मोठी जबाबदारी असते. खऱ्या आयुष्यात या गोष्टीकडे अगदीच सहजतेनं बघितलं जातं. लेखक म्हणून गरोदर स्त्रीची मानसिकता काय असेल, कथेत सुरू असणारा ड्रामा आणि तो ड्रामा गरोदर स्त्री कसा सांभाळेल, या सगळ्या गोष्टींचा विचार करून मग लिखाण करावं लागतं. नायकाचं नायिकेशी वागणं याबद्दलचे संवाद लिहितानाही मला खूप मजा येते. काही ठिकाणी बाईच्या मनाचा विचार केला जात नाही. यानिमित्तानं नकळत का होईना तो विचार करून लिहावं लागतं. - विकास पाटील, लेखक, जीव झाला येडापिसा
from Marathi Bollywood News, Marathi Cinema News https://ift.tt/37AtRct
