मुंबई- बॉलिवूडमधील सर्वात आवडत्या आणि एकमेकांची सतत काळजी घेणाऱ्या सेलिब्रिटींची जर चर्चा केली तर त्यात अनुष्का शर्मा- यांचं नाव आवर्जुन घेता येईल. सोशल मीडियावर त्यांचे अनेक फोटो आणि व्हिडिओ व्हायरल होत असतात. मंगळवारी अनुष्काने तिचा अजून एक फोटो शेअर केला आहे. यात विराट तिला योग साधना करायला मदत करताना दिसत आहे. हा फोटो शेअर करताना अनुष्काने गरोदरपणात योगसाधना करण्याचं महत्त्वही सांगितलं आहे. फोटोत विराट अनुष्काला शीर्षासन करायला मदत करताना दिसत आहे. काही महिन्यांपूर्वीचा हा फोटो शेअर करताना अनुष्काने लिहिले की, 'शीर्षासन हे सर्वात कठीण योगासन आहे. योग हा माझ्या आयुष्यातला एक भाग आहे आणि अधिक वाकणं आणि अधिक वळणं याशिवाय सहाय्याने गरोदर होण्यापूर्वी मी जी आसनं करत होती ती मी नियमितपणे करू शकते असा सल्ला माझ्या डॉक्टरांनी दिला होता.' अनुष्काने पुढे लिहिलं की ती योग्य देखरेखीखाली योग करत आहे, खासकरुन विराटच्या मदतीने. मी बर्‍याच वर्षांपासून योगसाधना करत आहे. पण यावेळी मी संतूलन राखण्यासाठी भिंत आणि नवऱ्याची मदत घेतली. यासोबतच योग शिक्षिकेच्या देखरेखीखाली मी शीर्षासन केलं. गरोदरपणातही मी योगसाधना करू शकते याचा मला आनंद आहे.' दरम्यान, सध्या विराट कोहली क्रिकेट मालिकेसाठी ऑस्ट्रेलियाला गेला आहे. असं असलं तरी जानेवारीत अनुष्काच्या प्रसूतीसाठी तो भारतात परतणार आहे. अनुष्काबद्दल सांगायचं झालं तर तिने साधारण दोन वर्षांपूर्वी शाहरुख खान आणि कतरिना कैफसोबत 'झिरो' सिनेमात काम केलं होतं. यानंतर तिने एकही सिनेमा केला नाही.
from Marathi Bollywood News, Marathi Cinema News https://ift.tt/3qf9dG0
