मुंबई: आपल्या आवडत्या कलाकारासाठी चाहते काय करतील त्याचा नेम नाही. चाहते दिवाने असतात. चाहत्यांचं प्रेम पाहून ही कलाकारमंडळीही भावुक होतात. असाच एक प्रसंग मराठी सिनेसृष्टीतील अभिनेता याच्यासोबत घडला. हा प्रसंग त्यानं सोशल मीडियावर एक भावुक लिहीत चाहत्यांसोबत शेअर केला आहे. नितीशच्या एका चाहतीनं नुकतंच निधन झालं. या चाहतीच्या निधनाची बातमी ऐकताच नितीशला मोठा धक्काच बसला.कारण या चाहतीची शेवटची इच्छा नितीशला भेटण्याची होती. यासंदर्भात त्यानं एक पोस्ट शेअर केली आहे. काय लिहिलं आहे नितीशनं त्याच्या पोस्टमध्ये?'तुझ्याबद्दल बातमी कळाली खूप वाईट वाटलं. मला माहिती नव्हतं तुझ्या हृदयामध्ये छिद्र होतं आणि तुझी शेवटची इच्छा मला भेटण्याची होती, हे तर ऐकून पायाखालची जमीनच सरकली. तुझ्याबद्दल बऱ्याच जणांकडून ऐकलं होतं, पण तू मला भेटण्यासाठी काय काय केलंस हे आत्ताच समजलं, ऐकून धक्काच बसला, वाटलं नव्हतं कोणी आपल्याला भेटण्यासाठी एवढं काय काय करेल, खरंच तू ग्रेट आहेस , सलाम आहे तुला 🙏. तुझ्यासारखी फॅन होणे अशक्य आहे. माफ कर मला कामामुळे मी तुला भेटू शकलो नाही पण एवढं नक्की सांगेन या जन्मी नाही भेटता आलं पण पुढच्या जन्मी मी तुझा फॅन होऊन नक्की भेटेन तुला. मला एवढं प्रेम दिलस त्याबद्दल खूप खूप आभारी आहे तुझा. देव तुझ्या आत्म्यास शांती देवो.
from Marathi Bollywood News, Marathi Cinema News https://ift.tt/3qHhbYF
