मुंबई : नार्कोटिक्स कंट्रोल ब्युरोने (एनसीबी) अमली पदार्थविरोधी मोहीम पुन्हा जोमाने सुरू केली आहे. त्या अंतर्गत अभिनेता याला पुन्हा एकदा चौकशीसाठी समन्स बजावण्यात आले आहे. गेल्या महिन्यात अर्जुनच्या निवासस्थानी छापा घालण्यात आला. या वेळी काही प्रतिबंधित औषधे व अमली पदार्थ सापडले होते. अभिनेता सुशांतसिंह राजपूत याच्या मृत्यूप्रकरणातील चौकशीत अमली पदार्थांचाही सुगावा लागल्याने ‘एनसीबी’ने चित्रपटसृष्टीशी प्रत्यक्ष-अप्रत्यक्ष संबंध असलेल्या १८ जणांना अटक केली आहे. एनसीबी मुंबईचे क्षेत्रीय संचालक समीर वानखेडे यांच्या नेतृत्वाखालील अर्जुन रामपाल याच्या वांद्रे येथील घरी छापा टाकला होता. यापूर्वी ११ नोव्हेंबर रोजी देखील अर्जुनची चौकशी करण्यात आली आहे. अभिनेता सुशांतसिंह राजपूत मृत्यूप्रकरणाचा सीबीआयकडून तपास सुरू असतानाच त्यात अमली पदार्थांचा विषय समोर आला होता. त्यानंतर बॉलिवूडमधील तसेच उच्चभ्रूंमधील अमली पदार्थांचा वापर हा विषय वारंवार उपस्थित झाला. त्यानंतर एनसीबीने या प्रकरणाची पाळेमुळे शोधण्यासाठी तपास सुरू केला. चित्रपटसृष्टीतील अनेकजण अमली पदार्थांचे सेवन करत असून या क्षेत्रातील काही जण त्याची विक्रीही करत असल्याचे तपासात समोर आले आहे. त्यानंतर एनसीबीने मागील काही दिवसांत अनेक ठिकाणी छापे टाकले आहेत. काही दलालांना अटकही झाली आहे. एनसीबीनं आतापर्यंत सिनेसृष्टीतील अनेकांची चौकशी केली आहे. त्यामध्ये बॉलिवूडमधील प्रसिद्ध अभिनेत्रींचाही समावेश आहे. अभिनेता अर्जुन रामपाल याच्या घरावर छापा टाकण्यात आला होता. त्यानंतर टीव्हीवरील अभिनेत्री हिच्या घरी छापे टाकून अटक करण्यात आली होती. भारतीचा पती हर्ष लिंबाचिया हादेखील अमली पदार्थांच्या व्यसनात गुंतला असल्याचं एनसीबीच्या तपासात स्पष्ट झालं . कसा अडकला अर्जुन? एनसीबीनं त्यांचा तपासात ओमेगा गोडविन या नायजेरियन नागरिकाला ड्रग्जसह अटक केली. याच कथित ड्रग्ज पेडलरकडून अर्जुन रामपालची गर्लफ्रेंड गॅब्रिएलचा भाऊ अगिसियालोस डेमेट्रिएड्सचं नाव समोर आलं. एनसीबीला अगिसियालोसकडून हशीश आणि एलप्राजोलमच्या काही गोळ्या देखील मिळाल्या ज्यावर कायदेशीर बंदी आहे.
from Marathi Bollywood News, Marathi Cinema News https://ift.tt/3oV2EHi
