मुंबई: तिच्या एकाहून एक सरस भूमिकांनी चाहत्यांवर मोहिनी घातली. कधी चंद्रमुखी होऊन, कधी निशा तर कधी बेगम पारा म्हणून... वयाच्या पन्नाशीतही ग्लॅमर आणि फॉलोअर्सची संख्या राखून असणारी अभिनेत्री हिनं नुकताच एक फोटो शेअर केलाय. या फोटोनं पुन्हा एकदा चाहत्यांना मोहिनी घातली आहे. गुलाबी रंगाच्या शॉर्ट ड्रेसमधील फोटो माधुरीनं शेअर केला. आणि काही तासांतच तिच्या या फोटोवर चाहत्यांनी लाइक्स आणि प्रतिक्रियांचा वर्षाव केलाय. 'तू २० वर्षाची कॉलेज तरुणी दिसतेय', असं काहींनी म्हटलंय तर अनेकांनी माधुरीच्या फिटनेस आणि सौदर्याचं कौतुक केलं आहे. सारा आणि दीपिकापेक्षा सुंदर दिसतेय, अशा प्रतिक्रिया देखील चाहत्यांनी लिहिल्या आहेत. दरम्यान, गेले दोन दिवस सोशल मीडियावर माधुरीचा आणखी एक फोटो चर्चेत आहे. हा तिच्या आगामी सीरीजमधला लूक असल्याचं कळतंय. अर्थातच, त्याला माधुरीनं दुजोरा दिलेला नसला; तरी हा फोटो तिनंच पोस्ट केला आहे. करण जोहरची निर्मिती आणि श्री. रावचं दिग्दर्शन असलेल्या सीरीजमध्ये माधुरी काम करतेय. ‘द अॅक्ट्रेस’ असं या सीरीजचं नाव आहे. नाशिक, पुणे इथलं चित्रीकरणाचं शेड्यूल संपवून माधुरी आता तिच्या मुंबई शेड्यूलची तयारी करतेय. या निमित्तानं माधुरीचं ओटीटी पदार्पण होणार असल्यानं तिच्या या भूमिकेबद्दल उत्सुकता आहे. पुनरागमन केल्यानंतर माधुरीला उत्तमोत्तम भूमिका मिळत गेल्या. व्यावसायिक यशानं मात्र हुलकावणी दिली. त्यातल्या त्यात गेल्यावर्षी तिचा ‘टोटल धमाल’ हा चित्रपट गाजला आणि ‘कलंक’ हा बहुचर्चित मल्टीस्टारर मात्र चालला नाही. म्हणूनच आता तिनं या सीरीजवर लक्ष केंद्रित केलं आहे. ही एका अभिनेत्रीचीच कथा असल्याचं कळतंय. या अभिनेत्रीच्या आयुष्यात काही घडामोडी घडतात आणि त्यातून एक सस्पेन्स तयार होतो. अशी ही कथा आहे. माधुरीसह या सीरीजमध्ये संजय कपूर, सुहासिनी मुळ्ये, मोहित रैना आणि मकरंद देशपांडे यांच्याही भूमिका असल्यानं सीरीजबद्दल चाहत्यांना उत्सुकता आहे. यातल्या तिच्या लूकचीही विशेष काळजी घेण्यात आली आहे. त्यामुळेच माधुरीनं शेअर केलेला फोटो हा तिच्या या भूमिकेची झलक म्हणून चर्चेत आहे.
from Marathi Bollywood News, Marathi Cinema News https://ift.tt/3aDdAFB