मुंबई- करोना विषाणूमुळे यंदाचं २०२० वर्ष बहुतेक लोकांसाठी चांगलं नव्हतं. कोट्यवधी लोकांचे व्यवसाय बुडले, लाखो व्यवसाय तोट्यात गेले, एवढंच नाही तर लॉकआउनमुळे स्थलांतरित मजुरांना अनेक किलोमीटर पायी चालत जावं लागलं. लोकांचा रोजगार हरवला आणि सर्वांना त्यांच्या घरात महिनोंमहिने बसून रहावं लागलं. आता नवीन वर्षाची सुरूवात लवकरच होणार आहे. येतं वर्ष लस मिळण्यासोबतच अनेक आशा-अपेक्षा घेऊन येणार आहे. याचमुळे २०२० प्रमाणे पुढील वर्ष नसावं अशीच साऱ्यांची इच्छा आहे. सध्या या वर्षाचं एक मीम सोशल मीडियावर बरच व्हायरल होत आहे. बॉलिवूड सुपरस्टार यांनीही आपल्या सोशल मीडिया अकाउंटवर ते मीम शेअर केलं आहे. २०२१ लिहिलेला एक फोटो अमिताभ यांनी शेअर केला. यात खाली लिंबू आणि मिरची बांधलेली दिसत आहे. जेणेकरुन २०२१ वर्षाला कोणाचीही दृष्ट लागू नये. हे मीम शेअर करताना अमिताभ यांनी 'कृपा कृपा कृपा' असं कॅप्शनही लिहिलं आहे. २०२० मध्ये बॉलिवूडमधील अनेक स्टार्सना करोनाची लागण झाली. यामध्ये अमिताभ बच्चन आणि त्यांच्या कुटुंबातील सदस्यांचाही समावेश होता. अमिताभ आणि त्यांचा मुलगा अभिषेक बच्चन, सून ऐश्वर्या राय- बच्चन आणि नात आराध्या बच्चन यांनाही करोननाची लागण झाली होती. यानंतर त्यांना नानावटी इस्पितळात उपचारासाठी दाखल करण्यात आलं होतं. योग्य उपचारांनंतर त्यांना काही दिवसांनी घरी पाठवण्यात आलं. अमिताभ बच्चन यांच्या कामाबद्दल बोलायचे झाले तर सध्या ते कौन बनेगा करोडपती या टीव्ही शोच्या चित्रीकरणात व्यग्र आहे. शोचा हा शेवटचा आठवडा आहे. यात लहान मुलांना गेम खेळून पैसा मिळवण्याची संधी दिली जात आहे. याशिवाय अमिताभ यांचे अनेक बिग बजेट सिनेमे प्रदर्शनाच्या मार्गावर आहेत. करोना काळामुळे हे सिनेमे प्रदर्शनामुळे रखडले होते. तर काहीचं चित्रीकरण थांबलं होतं. पण आता २०२१ मध्ये हे सर्व सिनेमे प्रदर्शित होतील असं म्हटलं जात आहे.
from Marathi Bollywood News, Marathi Cinema News https://ift.tt/2K4TB7O
